Health Tips | निरोगी राहण्यासाठी फळांचे सेवन अत्यंत उपयुक्त मानले जाते. शरीराला आवश्यक असलेले जीवनसत्त्वे, खनिजे आणि अँटिऑक्सिडंट्स मोठ्या प्रमाणात फळांमधून मिळतात. त्यामुळे तज्ञ दररोज फळे खाण्याचा सल्ला देतात. मात्र फळांचे सेवन करण्याची योग्य वेळ पाळणेही तितकेच महत्त्वाचे आहे. आरोग्य तज्ञांच्या मते नाश्त्यानंतर किंवा दुपारच्या आधी फळे खाणे सर्वात चांगले मानले जाते. पण रात्री काही विशिष्ट फळे खाल्ल्यास पचनाशी संबंधित अनेक समस्या निर्माण होऊ शकतात.
गॅस, आम्लता, पोटफुगी आणि झोपेचा त्रास अशा अनेक समस्यांपासून वाचण्यासाठी रात्री ही फळे टाळणे आवश्यक आहे. दिवसा खाल्ले असता हीच फळे शरीरासाठी अत्यंत फायदेशीर ठरतात. त्यामुळे फळांचे योग्य वेळी सेवन करणे आरोग्य टिकवण्यासाठी महत्त्वाचे आहे. चला तर जाणून घेऊया रात्री कोणती 5 फळे खाणे टाळावे.
रात्री कोणती फळे टाळावीत? :
सफरचंद: दिवसा सफरचंद खाणे आरोग्यासाठी अत्यंत चांगले असले तरी रात्री सफरचंद खाणे हानिकारक ठरू शकते. सफरचंदातील फायबरचे प्रमाण जास्त असल्याने रात्री ते पचनास त्रास देऊ शकते. यामुळे गॅस, आम्लता आणि झोपेचा त्रास निर्माण होण्याची शक्यता असते. त्यामुळे रात्री सफरचंदाचे सेवन पूर्णपणे टाळावे. (Avoid 5 fruit)
केळी: ऊर्जा देणारे आणि पोषक तत्वांनी समृद्ध असे केळी दिवसा खूप फायदेशीर असतात. मात्र रात्री केळी खाल्ल्याने पचन मंदावते. केळीत कॅलरीज जास्त असल्याने ते रात्री पचायला वेळ लागतो. यामुळे पोटफुगी आणि झोपेचा त्रास उद्भवू शकतो. त्यामुळे रात्रीच्या वेळी केळी खाणे योग्य नाही.
Health Tips | आम्लता वाढवणारी फळेही टाळा :
संत्री: व्हिटॅमिन सीने भरपूर आणि रोगप्रतिकारक शक्ती वाढवणारे संत्रे शरीरासाठी खूप उपयोगी असतात. मात्र हे आम्लयुक्त फळ असल्याने रात्री ते खाल्ल्यास छातीत जळजळ आणि अॅसिडिटी वाढू शकते. त्यामुळे झोपण्यापूर्वी संत्रे खाणे टाळणे आवश्यक आहे.
अननस: अननस हेही आम्लयुक्त फळ असल्याने रात्री ते खाल्ल्यास अॅसिडिटी आणि छातीत जळजळ निर्माण होऊ शकते. याशिवाय पोटफुगी होण्याची शक्यता वाढते. त्यामुळे रात्रीच्या वेळी अननस खाणे योग्य नाही. दिवसा मात्र अननस पचनास मदत करतो आणि शरीराला आवश्यक पोषक तत्वे पुरवतो. (Avoid 5 fruit)
पेरू: पेरूमध्ये फायबर मोठ्या प्रमाणात असल्याने ते दिवसा शरीरासाठी अत्यंत फायदेशीर आहे. मात्र रात्री पेरू खाल्ल्यास पचन मंदावते आणि फायबरमुळे गॅस, आम्लता आणि पोटफुगीचा त्रास होऊ शकतो. त्यामुळे रात्रीच्या वेळी पेरूचे सेवन टाळावे.
