मुंबई | खाजगी क्षेत्रातील सर्वात मोठी बँक असलेल्या HDFC बँकेने लोकांना मोठा धक्का दिला आहे, कारण HDFC बँकेने MCLR मध्ये अचानक वाढ केली आहे.

HDFC चा ग्राहकांना झटका

आज RBI आपले आर्थिक धोरण जाहीर करणार आहे. मात्र याआधीच देशातील सर्वात मोठी खासगी बँक एचडीएफसी बँकेने लोकांना मोठा धक्का दिला. एचडीएफसी बँकेने 7 फेब्रुवारी रोजी एक मोठी घोषणा केली आहे. बँकेने कर्जाचे दर वाढवले ​​आहेत. यानंतर गृहकर्ज, कार लोन, पर्सनल लोन यांसारखी बँकांची कर्जे महाग झाली आहेत.

एचडीएफसी बँकेने आपल्या ग्राहकांना मोठा धक्का दिला आहे, कारण या बँकेच्या बहुतांश ग्राहक कर्जावरील व्याजदर महाग झाले आहेत. एचडीएफसी बँकेने आपल्या मार्जिनल कॉस्ट ऑफ लेंडिंग रेट्स (MCLR) मध्ये 10 बेस पॉईंट्स म्हणजेच 0.10% वाढ केली आहे आणि आजपासून त्याच्याशी संबंधित सर्व कर्जांची EMI वाढेल. एचडीएफसी बँकेच्या वेबसाइटवर ही माहिती देण्यात आली आहे.

HDFC बँकेने MCLR किती आणि कुठे वाढवला आहे ते जाणून घ्या

वेगवेगळ्या कालावधीच्या कर्जासाठी बँकेचा MCLR दर 8.9% ते 9.35% दरम्यान आहे.
बँकेचा एक दिवसाचा MCLR म्हणजेच रात्रभर MCLR 0.10% ने वाढून 8.9% झाला आहे.
एका महिन्याचा MCLR 10 बेसिस पॉइंट्सने वाढून 8.95% झाला आहे.
तीन महिन्यांचा MCLR 10 बेस पॉइंट्सने वाढून 9.10% झाला आहे.
सहा महिन्यांचा MCLR 10 बेसिस पॉइंट्सने वाढून 9.30% झाला आहे.

याशिवाय, ग्राहक कर्जाशी संबंधित एक वर्षाचा MCLR देखील 5 बेस पॉईंटने वाढवला आहे आणि तो 9.25% वरून 9.30% पर्यंत वाढवला आहे. बँकेचा 2 वर्षांचा MCLR आता 9.30% वरून 9.35% वर वाढला आहे आणि याशिवाय, 3 वर्षांचा MCLR कोणताही बदल न करता 9.30% वर कायम ठेवण्यात आला आहे.

महत्त्वाच्या बातम्या- 

आता गुन्हेगारांना सुट्टी नाहीच…, पुण्याच्या नव्या पोलीस आयुक्तांनी घेतला धडाकेबाज निर्णय!

“तेव्हाच लोक आपल्यासोबत असतात…”, बुमराहनं व्यक्ती केली खदखद

बेरोजगारीवरून काँग्रेसची टीका; अर्थमंत्री निर्मला सीतारामन यांनी थेट आकडेवारीच सांगितली!

आज मी आणखीच श्रीमंत झालो; 12th नापास IPS अधिकाऱ्याच्या भेटीने आनंद महिंद्रा भारावले

पूनम पांडेवर सरकार मोठी जबाबदारी सोपवणार? आरोग्य मंत्रालयाने दिली अपडेट