Hardik Pandya | क्रिकेटप्रेमींमध्ये उत्सुकता निर्माण करणाऱ्या भारत-विरुद्ध पाकिस्तान (India vs Pakistan) सामन्यात ब्रिटिश गायक आणि टीव्ही व्यक्तिमत्त्व जस्मिन वालिया (Jasmin Walia) उपस्थित होती. ‘बॉम डिग्गी’ (Bom Diggy) या गाण्यामुळे प्रसिद्ध झालेल्या जस्मिनचा व्हिडिओ सध्या सोशल मीडियावर प्रचंड व्हायरल झाला आहे.
तिने पांढऱ्या रंगाचा ड्रेस आणि स्टायलिश गॉगल घातला होता. सामन्यादरम्यान जस्मिनने कॅमेऱ्याकडे पाहून फ्लाइंग किस आणि हात हलवतानाचा व्हिडिओ चाहत्यांनी मोठ्या प्रमाणावर शेअर केला आहे.
जस्मिनच्या सौंदर्यावर चाहत्यांची कमेंट्स-
हा व्हिडिओ व्हायरल झाल्यानंतर चाहत्यांनी जस्मिनच्या सौंदर्यावर कमेंट्स केल्या. एका युजरने लिहिले, “हार्दिक (Hardik Pandya) तुझी गर्लफ्रेंड खूप सुंदर आहे.” तर दुसऱ्याने म्हटले, “नवी भाभी स्टेडियममध्ये.” काही युजर्सनी तिची तुलना हार्दिकच्या माजी पत्नी नताशा स्टँकोविक (Natasha Stankovic) सोबतही केली.
As I said @jasminwalia supporting India for #hardik #INDvsPAK https://t.co/aMnPfn7n3C pic.twitter.com/Oo5Gcx6O2I
— Instinct (@Clutchxgod33) February 23, 2025
हार्दिक आणि जस्मिनच्या डेटिंगच्या अफवा
या सामन्याच्या एक दिवस आधी जस्मिनने इन्स्टाग्रामवर एका आलिशान हॉटेलच्या परिसरातील फोटो पोस्ट करत “दुबई” (Dubai) असे कॅप्शन दिले होते. यापूर्वी ऑगस्ट 2023 मध्ये, काही रेडिट युजर्सनी जस्मिन आणि हार्दिकच्या ग्रीसमधील वेगवेगळ्या ठिकाणांवरील फोटो जुळवून पाहिल्यानंतर त्यांच्या डेटिंगच्या अफवा पसरल्या होत्या.
ही चर्चा त्यानंतर वाढली, कारण त्याच महिन्यात हार्दिक (Hardik Pandya) आणि नताशाने विभक्त होण्याचा निर्णय घेतल्याची अधिकृत घोषणा केली होती. त्यांच्या संयुक्त निवेदनात त्यांनी म्हटले होते, “चार वर्षांच्या सहवासानंतर आम्ही दोघांनी वेगळे होण्याचा निर्णय घेतला आहे. आम्ही आमच्या नात्यात सर्वतोपरी प्रयत्न केले, पण आमच्या आणि आमच्या कुटुंबाच्या भल्यासाठी हा निर्णय घेतला आहे.
आम्ही एकत्र खूप आनंदाचे क्षण घालवले, परस्परांबद्दलचा आदर राखला आणि एक कुटुंब म्हणून वाढलो. आमचा मुलगा अगस्त्य (Agastya) आमच्या दोघांसाठीही महत्त्वाचा असून, आम्ही त्याच्या चांगल्या भविष्यासाठी सह-पालकत्व सांभाळू. या कठीण परिस्थितीत आम्हाला खाजगीपणा देण्याची सर्वांना विनंती आहे.”
जस्मिन वालिया कोण आहे?
जस्मिन वालिया ही ब्रिटिश गायक आणि टीव्ही सेलिब्रिटी असून, तिने इंग्रजी, पंजाबी आणि हिंदी गाण्यांमध्ये काम केले आहे. 2017 मध्ये जॅक नाइटसोबत (Zack Knight) ‘बॉम डिग्गी’ गाण्याने तिला प्रसिद्धी मिळाली. हे गाणे नंतर ‘सोनू के टीटू की स्वीटी’ (Sonu Ke Titu Ki Sweety) या चित्रपटात समाविष्ट करण्यात आले.
2010 मध्ये ती ‘द ओन्ली वे इज एसेक्स’ (The Only Way Is Essex) या रिअॅलिटी शोमध्ये झळकली होती. 2015 मध्ये ‘देसी रॅस्कल्स 2’ (Desi Rascals 2) मध्ये ती दिसली होती. 2014 मध्ये तिने स्वतःचा यूट्यूब चॅनेल सुरू केला आणि जॅक नाइटसह अनेक गाण्यांवर काम केले. तिच्या प्रमुख गाण्यांमध्ये ‘डम डी डी डम’ (2016), ‘गर्ल लाइक मी’ (2016), ‘टेंपल’ (2017) आणि ‘गो डाउन’ (2017) यांचा समावेश आहे.
