Devendra Fadnavis | लोकसभा निवडणुकीच्या तोंडावर एकनाथ खडसे यांनी शरद पवारांच्या राष्ट्रवादीची साथ सोडत भाजपमध्ये घरवापसी करण्याचा निर्णय घेतला, पण खडसेंचा भाजप प्रवेश अजूनही वेटिंगवरच आहे.

खडसेंच्या पक्षप्रवेशाला राज्यातील नेत्यांना विरोध असल्याचं बोललं जात आहे. अशात एकनाथ खडसे यांनी मोठा गौप्यस्फोट केला आहे. देवेंद्र फडणवीसांनी (Devendra Fadnavis) मला राज्यपालपदाची ऑफर दिली होती. फडणवीसांनी मुलीची शपथ घेऊन आश्वासन दिलं होतं, असं एकनाथ खडसे यांनी सांगितलं. ते एका मुलाखतीत बोलत होते.

एकनाथ खडसेंचा मोठा गौप्यस्फोट

मी प्रवेश घेतो असं कधी म्हणालो नव्हतो. ते मला प्रवेश घ्या असे म्हणाले होते. त्यानंतर मी शरद पवार आणि जयंत पाटलांशी चर्चा करुन गेलो होतो, असंही खडसेंनी सांगितलं.

मला एक दिवशी देवेंद्र फडणवीसांनी (Devendra Fadnavis) बोलवलं. त्यावेळी आम्ही दोघेच होते. देवेंद्र फडणवीस मला म्हणाले, नाथाभाऊ तुमची मी राज्यपालपदासाठी शिफारस करतो. त्यावर मी म्हणालो, देवेंद्रजी खरं सांगा, तुम्ही मला अनेकदा सांगितलं की हे करणार, ते देणार ते काही झालं नाही त्यामुळे माझा विश्वास बसत नाही, असं त्यांनी म्हटलं.

“माझ्या एकुलत्या एक मुलीची शपथ घेऊन सांगतो”

माझ्या एकुलत्या एक मुलीची शपथ घेऊन सांगतो हा देवेंद्र फडणवीसचा शब्द आहे. पुढे काय झालं मला माहीत नाही पण देवेंद्र फडणवीसांनी मला आश्वासन दिली होते. साधारण ही गोष्ट 2019 सालातील आहे, असं खडसेंनी सांगितलं.

ज्या वेळेस मी भारतीय जनता पक्षामध्ये जाण्याचा निर्णय घेतला त्यावेळी त्या कालखंडामध्ये माझी भाजपमध्ये जाण्याची इच्छा नव्हती. दिल्लीतल्या अतिज्येष्ठ नेत्यांनी मला फोन केला. दिल्लीत मी असताना जे.पी.नड्डा आणि विनोद तावडे यांच्या उपस्थितीत भाजप प्रवेश झाला. यावेळी रक्षा खडसेही उपस्थित होत्या. त्यावेळी त्यांनी माझ्या गळ्यात भाजपचा मफलर घातला. या घटनेला 5 ते 6 महिने होऊनही भाजपनं माझा प्रवेश झाल्याचं घोषित केलं नाही. अजून मी वाट पाहतोय पण अजून काही घोषणा झाली नाही. त्यामुळे यापुढे भाजपमध्ये जाण्याच्या मार्गावर आपण फुली मारलीय, असंही खडसे म्हणालेत.

महत्त्वाच्या बातम्या-

सोन्याची भरारी! हजारो रुपयांनी महागलं; काय आहेत आजचे भाव?

आजपासून ‘इतक्या’ दिवस बँका बंद राहणार; तुमच्या शहराचं नाव आहे का तपासा?

विधानसभा निवडणुकीसाठी ‘या’ 18 जागांवर काँग्रेस आग्रही, पाहा यादी!

आज या दोन राशीवर शनीची कृपा राहणार; मिळणार आनंदाची बातमी

कोणते लोक हृदयविकाराचा झटका येऊनही मरत नाहीत? जाणून घ्या यामागील शास्त्र