Budh Transit 2026 | ज्योतिषशास्त्रानुसार, जीवनात ग्रह-नक्षत्रांच्या हालचालींचा थेट परिणाम मानवी जीवनावर होत असतो. आज 6 जानेवारी रोजी अंगारकी चतुर्थी आली असून त्यानंतर अवघ्या दुसऱ्याच दिवशी म्हणजे 7 जानेवारी 2026 रोजी बुध ग्रह नक्षत्र परिवर्तन करणार आहे. बुध ग्रह हा बुद्धी, व्यवहार, नोकरी, व्यापार, संवाद आणि आर्थिक व्यवहारांचा कारक मानला जातो. त्यामुळे त्याच्या नक्षत्र बदलाचा प्रभाव काही राशींसाठी महत्त्वाचा ठरणार आहे. (Astrology news January 2026)
ज्योतिषींच्या मते, 7 जानेवारी रोजी बुध ग्रह शुक्राच्या पूर्वाषाढा नक्षत्रात प्रवेश करेल. हे नक्षत्र परिवर्तन काही राशींसाठी अनुकूल असले, तरी तीन राशींना या काळात विशेष सावधगिरी बाळगण्याचा इशारा देण्यात आला आहे. पैसा, नोकरी, आरोग्य आणि वैयक्तिक आयुष्याशी संबंधित अडचणी वाढण्याची शक्यता वर्तवण्यात येत आहे. त्यामुळे या राशींच्या लोकांनी कोणताही निर्णय घाईने न घेता विचारपूर्वक पावले टाकावीत, असा सल्ला ज्योतिषांकडून दिला जात आहे.
बुधाच्या नक्षत्र बदलामुळे कोणत्या राशींना फटका? :
बुध ग्रहाच्या या संक्रमणामुळे वृषभ राशीच्या लोकांच्या आर्थिक बाबतीत अस्थिरता निर्माण होऊ शकते. अनावश्यक खर्च वाढण्याची शक्यता असून गुंतवणूक करताना फसवणुकीचा धोका राहील. करिअरशी संबंधित मोठे निर्णय घेताना संयम बाळगणे आवश्यक ठरेल. कामाच्या ठिकाणी दबाव वाढू शकतो, तसेच आरोग्याशी संबंधित तक्रारीही उद्भवू शकतात. या काळात शांत राहून नियोजनबद्ध निर्णय घेणे लाभदायक ठरेल.
कर्क राशीच्या लोकांसाठी हा काळ मानसिक आणि शारीरिक तणाव वाढवणारा ठरू शकतो. नोकरीच्या ठिकाणी विरोधक सक्रिय होण्याची शक्यता आहे. ऑफिसमधील राजकारणापासून दूर राहणे गरजेचे आहे, अन्यथा प्रतिमेला धक्का लागू शकतो. विद्यार्थ्यांना अभ्यासात लक्ष केंद्रित करणे कठीण जाऊ शकते. आर्थिक व्यवहार करताना कोणावरही अंधविश्वास न ठेवता प्रत्येक गोष्ट तपासून पाहणे आवश्यक ठरेल. (Mercury constellation change)
Budh Transit 2026 | योग्य काळजी घेतल्यास या अडचणींवर मात होईल :
मकर राशीच्या लोकांसाठी बुध ग्रहाचे नक्षत्र परिवर्तन सामाजिक आणि आर्थिक अडचणी वाढवू शकते. बोलताना शब्दांचा चुकीचा अर्थ काढला जाण्याची शक्यता असून गैरसमज निर्माण होऊ शकतात. पैशाच्या बाबतीत अडथळे येण्याची शक्यता असल्याने खर्चावर नियंत्रण ठेवावे लागेल. नोकरी शोधणाऱ्यांना अपेक्षित संधी मिळण्यासाठी अधिक मेहनत करावी लागणार आहे. संयम, शिस्त आणि सकारात्मक विचार या काळात मकर राशींसाठी अत्यंत महत्त्वाचे ठरणार आहेत.
ज्योतिषींच्या मते, बुध ग्रहाच्या या संक्रमणकाळात संयम, योग्य निर्णय आणि आध्यात्मिक उपाय यांचा अवलंब केल्यास नकारात्मक परिणाम कमी होऊ शकतात. कोणतेही मोठे आर्थिक किंवा करिअरविषयक निर्णय पुढे ढकलणे फायदेशीर ठरेल. ग्रहांची ही स्थिती तात्पुरती असली, तरी योग्य काळजी घेतल्यास या अडचणींवर मात करता येईल, असा विश्वास व्यक्त केला जात आहे.
