Pune | सरकारी नोकरीत (Job) असूनही, खाजगी कंपनीत (Company) उच्च पदावर कार्यरत असलेल्या पतीकडून दरमहा ५० हजार रुपये पोटगी (Alimony) मागणाऱ्या पत्नीला पुणे कौटुंबिक न्यायालयाने (Family Court) दणका दिला आहे. पती आपली मुलगी आणि आईचा सांभाळ करत असून, पत्नीलाही चांगला पगार असल्याने ती स्वतःचा उदरनिर्वाह व्यवस्थित करू शकते, असा महत्त्वपूर्ण निर्वाळा देत न्यायालयाने पत्नीची पोटगीची मागणी फेटाळून लावली.
न्यायालयीन प्रकरण आणि युक्तिवाद
माधव आणि माधवी यांचा विवाह १५ वर्षांपूर्वी झाला होता आणि त्यांना १० वर्षांची एक मुलगीआहे. पती एका मोठ्या कंपनीमध्ये उच्च पदावर कार्यरत असून, त्याला दरमहा लाख रुपये पगार आहे. तर, पत्नी सरकारी (Government) नोकरीत असून, तिलाही चांगला पगार मिळतो. तथापि, कालांतराने त्यांच्यात मतभेद वाढल्याने पती ॲड. शीतल चरखा भट्टड (Adv. Sheetal Charkha Bhattad) यांच्यामार्फत कौटुंबिक न्यायालयात घटस्फोटासाठी (Divorce) अर्ज दाखल केला होता.
नोटीस मिळाल्यानंतर पत्नी न्यायालयात हजर झाली आणि तिने दरमहा ५० हजार रुपये पोटगीची (Alimony) मागणी केली. तिने युक्तिवाद केला की, तिला मिळणाऱ्या पगारातून गृहकर्जाचा (Home Loan) मोठा हप्ता (EMI) जातो आणि पोलीस (Police) सोसायटीतून घेतलेल्या कर्जाचाही (Loan) हप्ता (EMI) भरावा लागतो. त्यामुळे, तिला जरी चांगला पगार असला, तरी शिल्लक पगारावर तिला स्वतःचा आणि मुलीचा (Daughter) उदरनिर्वाह (Maintenance) करणे कठीण होत आहे. पतीच्या वतीने ॲड. शीतल चरखा भट्टड (Adv. Sheetal Charkha Bhattad) यांनी या युक्तिवादाला जोरदार विरोध केला. त्यांनी न्यायालयाच्या निदर्शनास आणून दिले की, पत्नीने स्वतःसाठी कर्ज (Loan) घेतले आहे.
पतीला चांगला पगार मिळत असला तरी, तो आपल्या आईचा (Mother) आणि मुलीचा संपूर्ण खर्च (Expenses) करत आहे. पत्नीला मिळणाऱ्या पगारातून ती स्वतःचा उदरनिर्वाह (Maintenance) व्यवस्थितपणे करू शकते. केवळ पतीला जास्त पगार आहे, म्हणून पोटगी मागणे योग्य नाही, असा युक्तिवाद त्यांनी केला. हा युक्तिवाद ग्राह्य धरत, कौटुंबिक न्यायालयाचे न्यायाधीश के. व्ही. ठाकूर (K.V. Thakur) यांनी पत्नीचा पोटगीचा अर्ज फेटाळून लावला. हा निकाल पोटगीच्या प्रकरणांमध्ये एक महत्त्वाचा दृष्टिकोन दर्शवतो.
Title : Working Wife’s Alimony Plea Rejected By Court
