Urine infection | आजच्या काळात बदलती जीवनशैली आणि स्वच्छतेची कमतरता यामुळे अनेक आजारांचे प्रमाण वाढले आहे. पूर्वी काही विशिष्ट आजार प्रामुख्याने वयस्कर किंवा प्रौढांमध्ये दिसून येत असत, परंतु आता हे आजार लहान वयातील मुलींमध्येही मोठ्या प्रमाणात आढळू लागले आहेत. त्यापैकीच एक म्हणजे युरिन इन्फेक्शन (UTI). याआधी हा संसर्ग प्रामुख्याने महिलांमध्ये आढळत असे, मात्र आता लहान मुली आणि तरुणींमध्येही याचे प्रमाण झपाट्याने वाढत आहे. याचे प्रमुख कारणे आणि प्रतिबंधात्मक उपाय जाणून घेऊया. (Urine infection)
तरुणींमध्ये युरिन इन्फेक्शन का वाढत आहे?
सध्या शाळकरी मुली आणि तरुण महिलांमध्ये युरिन इन्फेक्शनच्या घटना मोठ्या प्रमाणावर वाढत आहेत. युरिन इन्फेक्शनची प्रकरणे आता पाच वर्षांपेक्षा कमी वयाच्या मुलींमध्येही आढळत आहेत. लघवीशी संबंधित संसर्गाचा परिणाम लहान वयात मोठ्या प्रमाणावर होत असल्याने हे एक गंभीर आरोग्य संकट ठरू शकते. तरुणींमध्ये युरिन इन्फेक्शन वाढण्यामागे काही महत्त्वाची कारणे पुढीलप्रमाणे आहेत.
युरिन इन्फेक्शन वाढण्याची प्रमुख कारणे
१) पाणी पिण्याची कमतरता
शाळेत जाणाऱ्या मुलींमध्ये कमी पाणी पिण्याची सवय दिसून येते. शरीराला आवश्यक प्रमाणात पाणी न मिळाल्यास मूत्रमार्गात संसर्ग होण्याची शक्यता वाढते.
२) लघवी रोखून ठेवणे
अनेक मुली शाळेत सार्वजनिक शौचालये वापरणे टाळतात आणि दीर्घकाळ लघवी रोखून ठेवतात. यामुळे मूत्राशयात बॅक्टेरिया वाढतात आणि संक्रमणाची शक्यता वाढते. (Urine infection)
३) अस्वच्छ शौचालयांचा वापर
शाळा किंवा अन्य सार्वजनिक ठिकाणी असणाऱ्या अस्वच्छ स्वच्छतागृहांचा वापर केल्याने जंतुसंसर्ग होण्याची शक्यता असते. विशेषतः सार्वजनिक शौचालय स्वच्छ नसल्यास युरिन इन्फेक्शन होण्याचा धोका अधिक असतो.
युरिन इन्फेक्शन टाळण्यासाठी घ्यावयाची काळजी
पालकांनी आपल्या मुलींना स्वच्छतेच्या चांगल्या सवयी शिकवणे अत्यंत आवश्यक आहे. त्यासाठी खालील गोष्टींची विशेष काळजी घ्यावी:
मुलींनी दिवसभर पुरेसे पाणी प्यावे, जेणेकरून शरीरातील हानिकारक बॅक्टेरिया लघवीद्वारे बाहेर निघून जातील.
लघवी रोखून न ठेवण्याची सवय लावावी, वेळेवर शौचालयाचा वापर करावा.
सार्वजनिक स्वच्छतागृह वापरण्यापूर्वी ते स्वच्छ असल्याची खात्री करावी किंवा शक्यतो वैयक्तिक स्वच्छतेची साधने बरोबर ठेवावीत.
खाजगी भागाची स्वच्छता योग्य पद्धतीने करावी आणि स्वच्छतेकडे दुर्लक्ष करू नये.
युरिन इन्फेक्शन हा सामान्य वाटणारा परंतु वेळीच उपाय न केल्यास गंभीर ठरू शकणारा आजार आहे. त्यामुळे लहान वयापासूनच योग्य सवयी अंगी बाळगून या आजारापासून स्वतःचे संरक्षण करणे आवश्यक आहे. (Urine infection)
Title : Urine Infection Causes and Prevention
