ठाकरेंचे 53 शिलेदार ठरले?, पाहा कुणाला मिळालं तिकीट तर कुणाचा पत्ता कट?

On: October 22, 2024 11:35 AM

---Advertisement---

Uddhav Thackeray | महायुतीचं जागावाटपाचं गणित हे जवळपास पक्कं झालं आहे. भाजपने नुकतीच उमेदवारांची पहिली यादी जाहीर केली आहे. यामध्ये 99 उमेदवार घोषित करण्यात आले आहेत. तर, दुसरीकडे महाविकास आघाडीमध्ये काही जागांवरून शिवसेना ठाकरे गट आणि कॉँग्रेसमध्ये तिढा निर्माण झाल्याचं बोललं जातंय. मविआ आज पहिली उमेदवार यादी जाहीर करण्याची शक्यता आहे. दिल्ली हायकमांडकडून मविआत समन्वय साधण्याची जबाबदारी आता बाळासाहेब थोरात यांच्यावर सोपवण्यात आली आहे. (Uddhav Thackeray )

अशात ठाकरे गटाचे 53 उमेदवार हे निश्चित झाल्याची माहिती समोर आली आहे. गेल्या काही दिवसांत विद्यमान आमदार तसेच इच्छुक उमेदवारांनी मातोश्रीवर येऊन उद्धव ठाकरेंची भेट घेतली आहे. ठाकरे गटाकडून आतापर्यंत 53 उमेदवारांना ग्रीन सिग्नल मिळाल्याचे समोर येत आहे.

उद्धव ठाकरे गट 96 ते 98 जागा लढण्याची शक्यता

मविआमध्ये ठाकरे गट 96 ते 98 जागा लढणार असल्याची चर्चा आहे. त्यापैकी 86 जागावरील इच्छुक उमेदवारांची यादी ठाकरे गटाकडून निश्चित करण्यात आली आहे. 86 मतदार संघातील ज्या मतदार संघात एकापेक्षा जास्त इच्छुक आहेत, त्यांचा सर्वे देखील करण्यात आल्याचं बोललं जातंय. अशाप्रकारे एकूण 53 जणांना उमेदवारी निश्चितीबद्दल सूचना देण्यात आल्याची माहिती आहे. (Uddhav Thackeray )

आज महाविकास आघाडीच्या जागा वाटपात कुणाचा पत्ता कट होणार आणि कुणाला तिकीट मिळणार याचं चित्र स्पष्ट होण्याची शक्यता आहे. तसेच ठाकरे गट आणि कॉँग्रेस यांच्यातील वादावर देखील तोडगा काढण्यात आला आहे. संजय राऊत यांच्यासह ठाकरे गटाने काँग्रेस हायकमांडकडे तक्रार केली होती. त्यानंतर मविआत समन्वय साधण्याची जबाबदारी आता बाळासाहेब थोरात यांच्यावर सोपवण्यात आली आहे.आज थोरात आणि शरद पवार हे उद्धव ठाकरे यांची भेट घेणार आहेत.

दरम्यान, आज 22 ऑक्टोबरपासून उमेदवारी अर्ज दाखल करता येणार आहेत. आजपासून उमेदवारी अर्ज दाखल करण्यास सुरुवात झाली असून 29 ऑक्टोबरपर्यंत अर्ज दाखल करता येणार आहेत. आतापर्यंत भाजपने पहिली यादी जाहीर केली आहे. तसेच, मनसेकडून देखील काल दोन उमेदवारांची घोषणा झाली. वंचितने देखील यादी जाहीर केली आहे. (Uddhav Thackeray )