आज मंगळवारी, कोणत्या राशीला मिळणार शुभवार्ता?; वाचा सर्व 12 राशींचे राशीभविष्य

On: October 22, 2024 8:07 AM

---Advertisement---

Today Horoscope | आज 22 ऑक्टोबररोजी अश्विन महिन्याच्या कृष्ण पक्षातील षष्ठी तिथी आहे. षष्ठी तिथी मंगळवारी दुपारी दीड वाजेपर्यंत राहील. आज परीघ योग सकाळी 8 वाजून 46 मिनिटांपर्यंत जुळून येईल, त्यानंतर शिवयोग सुरु होईल. तसेच, आज राहू काळ दुपारी 3 वाजता सुरु होईल ते संध्याकाळी 4 वाजून 30 मिनिटांपर्यंत असेल. आज मंगळवारी, मेष ते मीनच्या राशीत काय घडामोड होणार ते पाहुयात. (Today Horoscope )

आजचे राशी भविष्य

मेष रास : आज तुमचे टोकाचे वाद होण्याची शक्यता आहे. त्यामुळे बोलण्यावर नियंत्रण ठेवा.जोडीदाराशी उगाच वाद घालू नका. भागीदारीत सबुरीने वागावे.

वृषभ रास : आज दिवस तुमच्या मनासारखा जाईल. चारचौघात कौतुक होईल. तब्येतीकडे दुर्लक्ष करू नका. अचानक धनलाभाची शक्यता. (Today Horoscope )

मिथुन रास : आज तुम्हाला तुमच्या पार्टनरची उत्तम साथ मिळेल. क्षुल्लक कारणावरून चिडू नका. आज तुम्हाला शेअर मार्केटमध्ये मोठा लाभ होईल.

कर्क रास : कौटुंबिक वातावरण प्रसन्न राहील.सर्वांना आपलेसे करून घ्याल. आज जवळच्या व्यक्तीचीही भेट होईल. गप्पा-गोष्टीमध्ये रमून जाल. आज काम करताना कंटाळा येईल. शरीरात स्फूर्ती राहणार नाही.

सिंह रास : तुमच्याबाबत गैरसमज पसरू शकतो. कर्तुत्वाला चांगला वाव मिळेल. इतरांच्या बोलण्यात जास्त लक्ष घालू नका. तुमचे मन विचलित होऊ शकते. (Today Horoscope )

कन्या रास : अति तिखट पदार्थ खाणे टाळावे. अपशब्द टाळण्याचा प्रयत्न करावा. हातात काही नवीन जोखमीची कामे येतील. ती योग्यपणे हाताळाल.

तूळ रास : डोकेदुखीचा त्रास जाणवेल. कौटुंबिक जबाबदारीत वाढ होईल. काही जुने प्रश्न सामोरे येतील. यामुळे तणाव जाणवू शकतो.

वृश्चिक रास : एकाच गोष्टीवर अडून राहू नका. कर्ज प्रकरणे वेळेवर हाताळा.आज तुमची चिडचिड होऊ शकते. त्यामुळे बोलताना शब्द जपून वापरा. राजकारणी धोरण महागात पडू शकते. स्वत:चेच खरे कराल.

धनू रास : प्रत्येक गोष्टीकडे आनंदी नजरेने पहाल.आवडीचे पदार्थ चाखाल. कामे मनाजोगी पार पडतील. झोपेची तक्रार जाणवेल.

मकर रास : तब्येतीच्या तक्रारींकडे दुर्लक्ष करू नका. मुलांकडे बारीक लक्ष ठेवावे. कामाच्या ठिकाणी तुम्हाला नवीन जबाबदारी मिळू शकते. राजकारणी व्यक्तीला आज मोठी जबाबदारी मिळू शकते.

कुंभ रास : मित्रांच्या सहवासात रमाल. आवडती वस्तु खरेदी कराल. तुमचे उद्दिष्ट साध्य कराल. यामुळे मन आनंदी राहील. (Today Horoscope )

मीन रास : शारीरिक कष्ट अधिक संभवतात. किरकोळ दुखापत होण्याची शक्यता. जास्त अपेक्षा बाळगू नका. अपेक्षा भंग होण्याची दाट संभावना आहे. जोडीदारासोबत देखील वाद होऊ शकतात.