Airport News | पुणे (Pune) येथील सध्याच्या विमानतळाला “जगद्गुरु संत तुकाराम” (Jagadguru Sant Tukaram Pune Airport) यांच्या नावाने नामकरण करण्याचा प्रस्ताव केंद्र सरकारकडे पाठवण्यात आला आहे, तर छत्रपती संभाजीनगर येथील विमानतळाला “छत्रपती संभाजी महाराज” (Chh. Sambhaji Maharaj Airport) यांच्या नावाने ठेवण्याचा प्रस्तावही पुढे करण्यात आला आहे. मुख्यमंत्री देवेंद्र फडणवीस (Devendra Fadanvis) यांनी सांगितले की, या प्रस्तावाला लवकरच मान्यता मिळेल.
पंतप्रधानांनी सकारात्मक प्रतिसाद दिला :
मुख्यमंत्र्यांनी शुक्रवारी सह्याद्री अतिथिगृह येथे नवी मुंबई आंतरराष्ट्रीय विमानतळासंदर्भात आयोजित बैठकीत सांगितले की, नव्या विमानतळाला लोकनेते दि. बा. पाटील यांचे नाव देण्यात येणार आहे.
यासंदर्भात नुकतीच पंतप्रधान नरेंद्र मोदी यांची भेट घेऊन प्रस्तावास मान्यता मिळवण्यासाठी विनंती केली होती, ज्यावर पंतप्रधानांनी सकारात्मक प्रतिसाद दिला आहे.
Airport News | महाराष्ट्रातील ऐतिहासिक निर्णय :
फडणवीसांनी पुढे सांगितले की प्रत्यक्ष प्रवासी वाहतूक सुरू झाल्यानंतर “लोकनेते दि. बा. पाटील नवी मुंबई आंतरराष्ट्रीय विमानतळ” (D.B.Patil International Airport, Navi-Mumbai) अशीच घोषणा निश्चितपणे करण्यात येईल.
हा निर्णय महाराष्ट्रातील ऐतिहासिक आणि राजकीय व्यक्तिमत्त्वांना सन्मान देण्याच्या व्यापक उपक्रमाचा भाग असून, राज्याच्या समृद्ध सांस्कृतिक आणि राजकीय वारसा दर्शवितो.
