Samruddhi Highway | मुंबई-नाशिक महामार्गावरील भयंकर वाहतूक कोंडीमुळे त्रस्त झालेल्या वाहनचालकांसाठी एक अत्यंत दिलासादायक बातमी आहे. आता ठाण्याहून थेट हिंदुहृदयसम्राट बाळासाहेब ठाकरे महाराष्ट्र समृद्धी महामार्गावर पोहोचण्याचा नवा मार्ग तयार करण्याचे नियोजन सुरू आहे. यामुळे मुंबई, ठाणे आणि कल्याण-भिवंडी परिसरातील नागरिकांचा प्रवासाचा वेळ वाचणार आहे. (Nashik- Mumbai Traffic Highway)
नेमकी काय आहे योजना? :
समृद्धी महामार्ग सध्या भिवंडीजवळील (Bhiwandi) आमने येथून सुरू होतो. आमनेपर्यंत पोहोचण्यासाठी वाहनचालकांना मुंबई-नाशिक महामार्गाचा वापर करावा लागतो, जिथे सध्याच्या विस्तारीकरणामुळे प्रचंड कोंडी होते. ही समस्या दूर करण्यासाठी, एमएमआरडीएने (MMRDA) ठाण्यातील साकेत येथून थेट आमनेपर्यंत पोहोचण्यासाठी एका नव्या मार्गिकेचे नियोजन केले आहे.
मिळालेल्या प्राथमिक माहितीनुसार, एमएमआरडीएकडून ठाण्यातील साकेत येथून आमनेपर्यंत पोहोचण्यासाठी एका नव्या मार्गाच्या निर्मितीचे नियोजन केले जात आहे. हा मार्ग २९.१० किलोमीटर लांबीचा असणार आहे. या नव्या रस्त्याच्या बांधकामासाठी सुमारे ६००० कोटी रुपये खर्च अपेक्षित आहे. या मार्गावर एकूण तीन महत्त्वाचे पूल बांधले जातील. त्यापैकी एक पूल ठाणे खाडीवर आणि दोन मोठे पूल उल्हास नदीवर असतील.
Samruddhi Highway | मिळणार पर्यायी मार्ग :
हा नवा मार्ग तयार झाल्यावर वाहनचालकांना मुंबई-नाशिक महामार्गावर (Mumbai-Nashik Highway) अवलंबून राहण्याची गरज भासणार नाही. हा थेट आणि वेगवान मार्ग त्यांना समृद्धी महामार्गापर्यंत पोहोचण्यास मदत करेल. (Nashik- Mumbai Traffic Highway)
त्यामुळे मुंबई, ठाणे, कल्याण आणि भिवंडी भागातील प्रवाशांना वाहतूक कोंडीतून (Traffic) मोठी कायमस्वरूपी सुटका मिळण्यास मदत होईल.
News title : Nashik- Mumbai Traffic Highway News
