Meenatai Thackeray Statue | मुंबईतील दादर परिसरातील शिवाजी पार्क येथे उभारलेल्या मीनाताई बाळासाहेब ठाकरे (Meenatai Thackeray Statue) यांच्या पुतळ्याची अज्ञात व्यक्तीने विटंबना केली आहे. पुतळ्यावर लाल रंग फेकल्याची घटना समोर आल्यानंतर परिसरात तणाव निर्माण झाला. शिवसैनिकांनी तातडीने घटनास्थळी धाव घेत पुतळ्याची स्वच्छता केली. या घटनेने राजकीय वर्तुळात खळबळ उडाली असून पोलिसांनी आरोपीचा शोध सुरू केला आहे.
नेमकी घटना कशी घडली? :
मंगळवारी उशिरा रात्री एका अज्ञात व्यक्तीने मीनाताई ठाकरे यांच्या पुतळ्यावर लाल रंग टाकला. सीसीटीव्ही कॅमेऱ्यांत या व्यक्तीचे चित्र कैद झाले असून फुटेजच्या आधारे पोलिसांनी तपास सुरू केला आहे. घटनेची माहिती मिळताच स्थानिक शिवसैनिक आणि आमदार तातडीने घटनास्थळी दाखल झाले व परिसराची साफसफाई करून पुतळ्याची पुन्हा प्रतिष्ठा जपली.
या प्रकरणी अद्याप कोणतीही औपचारिक तक्रार दाखल झालेली नसली तरी पोलिस स्वतःहून गुन्हा दाखल करून तपास करत आहेत. आरोपीचा शोध घेण्यासाठी सीसीटीव्ही रेकॉर्डिंगचा आधार घेतला जात आहे. पोलिस सूत्रांच्या मते, लवकरच आरोपीला गजाआड केले जाईल. (Meenatai Thackeray Statue)
Meenatai Thackeray Statue | शिवसैनिकांचा संताप आणि राजकीय प्रतिक्रिया :
मीनाताई ठाकरे यांना शिवसैनिक प्रेमाने ‘मातोश्री’ म्हणत असत. त्यांच्या स्मृतीप्रीत्यर्थ 1995 साली शिवाजी पार्कमध्ये अर्धपुतळा उभारण्यात आला होता. या पुतळ्याची विटंबना झाल्याने ठाकरे गटाचे शिवसैनिक आक्रमक झाले आहेत.
खासदार अनिल देसाई यांनी या घटनेचा निषेध करत म्हटले की, “मुंबई आता सुरक्षित राहिली नाही, हे सरकारचे अपयश आहे. अशा समाजकंटकांना योग्य शासन व्हायलाच हवे.”
