Haircare Tips l उन्हाळ्यात वाढत्या उष्णतेमुळे केस अधिक चिकट आणि निर्जीव दिसू लागतात. त्यामुळे लोक महागडी उत्पादने वापरतात, पण काही घरगुती उपाय देखील प्रभावी ठरू शकतात. यामुळे केस निरोगी आणि चमकदार राहतात.
उन्हाळ्यात केसांच्या आरोग्यासाठी योग्य काळजी आवश्यक :
उन्हाळ्यात त्वचेप्रमाणेच केसांचीही विशेष काळजी घेणे गरजेचे आहे. बदलत्या हवामानाचा परिणाम थेट केसांवर होतो, त्यामुळे केस लवकर तेलकट आणि निर्जीव होण्याची शक्यता असते. त्यासाठी योग्य आहार आणि नियमित केस स्वच्छता आवश्यक आहे. प्रथिने, फायबर, व्हिटॅमिन सी, ओमेगा-3 आणि फॅटी अॅसिड्स युक्त आहार घेतल्याने केसांचे आरोग्य सुधारते.
उष्णतेमुळे आणि घामामुळे केस लवकर चिकट होतात. काही वेळा केस धुतल्यानंतरही ते लवकरच चिकट वाटू लागतात, ज्यामुळे लूक खराब होतो. हे टाळण्यासाठी योग्य हेअरकेअर रूटीन आणि घरगुती उपायांचा अवलंब करणे फायद्याचे ठरते.
Haircare Tips l नैसर्गिक उपायांनी केसांना मिळवा पोषण :
कोरफड नैसर्गिकरित्या केस स्वच्छ आणि चमकदार ठेवते. यासाठी २ टेबलस्पून ताजे कोरफड जेल, १ टेबलस्पून नारळ तेल आणि व्हिटॅमिन ई कॅप्सूल मिसळून हेअर मास्क तयार करा. हा मास्क १५-२० मिनिटे केसांना लावून ठेवा आणि नंतर शॅम्पू करा. हा उपाय केसांना पोषण देतो आणि निसर्गसुलभ चमक वाढवतो.
मेथीचे दाणे केसांसाठी फायदेशीर मानले जातात. २ चमचे भिजवलेले मेथीचे दाणे वाटून पेस्ट तयार करा, त्यात नारळाचे तेल मिसळा आणि केसांना लावा. हा मास्क केस मऊ आणि निरोगी बनवतो तसेच केसगळती कमी करण्यास मदत करतो.
उन्हाळ्यात केसांचे आरोग्य टिकवण्यासाठी नियमित काळजी घेणे आवश्यक :
– आठवड्यातून २-३ वेळा शॅम्पू करा, मात्र अति शॅम्पू टाळा.
– केसांना जास्त तेल लावणे टाळा, यामुळे ते अधिक चिकट होऊ शकतात.
– कोरफड, मेथी किंवा आवळा यासारख्या घटकांपासून ऍलर्जी असल्यास प्रथम पॅच टेस्ट करा.
– केसांना नियमितपणे नैसर्गिक पोषण देणारे उपाय अवलंबा.
