Shubman Gill | शुभमन गिल आणि विराट कोहली यांच्यातील मैत्री क्रिकेटच्या मैदानापुरती मर्यादित नाही. दोघेही अनेकदा एकमेकांशी वैयक्तिक आयुष्यातील गोष्टीही शेअर करताना दिसतात. आता विराटचा मुलगा अकाय कोहली (Akaay Kohli) याच्याशी संबंधित एका मजेशीर इंस्टाग्राम रीलवर गिलने केलेली कमेंट चर्चेचा विषय ठरली आहे.
अकायवर बनवलेली रील ठरली चर्चेचा विषय :
Shubman Gill | सध्या सोशल मीडियावर अकाय कोहलीशी संबंधित एक विनोदी इंस्टाग्राम रील मोठ्या प्रमाणात व्हायरल होत आहे. या व्हिडीओमध्ये एका कंटेंट क्रिएटरने अकायच्या शाळेतील शिक्षकाची काल्पनिक भूमिका साकारली आहे. रीलच्या माध्यमातून विराट कोहली आणि अनुष्का शर्मा (Anushka Sharma) यांच्या मुलासोबत घडणारा एक मजेशीर प्रसंग दाखवण्यात आला आहे. त्यामुळे हा व्हिडीओ क्रिकेट चाहत्यांचेही लक्ष वेधून घेत आहे.
या रीलमध्ये शिक्षकाची भूमिका करणारा कंटेंट क्रिएटर अकायने शाळेत केलेल्या एका चुकीबद्दल त्याच्या आई-वडिलांना शाळेत बोलावण्यास सांगतो. त्यासाठी तो अकायला त्याचे वडील विराट कोहली आणि आई अनुष्का शर्मा यांना घेऊन येण्यास सांगतो. मात्र, यानंतर व्हिडीओमध्ये एक मजेदार ट्विस्ट दाखवण्यात आला आहे. शिक्षकाची भूमिका करणारा क्रिएटर लाजत-लाजत अकायला त्याचा काका शुभमन गिल यालाही सोबत घेऊन येण्यास सांगतो. याच प्रसंगामुळे ही रील अधिक चर्चेत आली.
Shubman Gill | गिलच्या उत्तराने चाहत्यांची उत्सुकता वाढली :
व्हायरल होत असलेल्या या रीलवर शुभमन गिलचीही नजर गेली. व्हिडीओतील गंमतीदार प्रसंग पाहून त्याने त्यावर प्रतिक्रिया देण्याचा निर्णय घेतला. गिलने थेट रीलच्या कमेंट सेक्शनमध्ये विराट कोहलीला टॅग करत आपली प्रतिक्रिया दिली. त्याची ही कमेंट आता सोशल मीडियावर मोठ्या प्रमाणावर शेअर केली जात आहे आणि त्यावर विविध प्रतिक्रिया पाहायला मिळत आहेत.
शुभमन गिलने विराटला टॅग करत, “भाई, काळजी करू नकोस, मी सांभाळून घेईन.” अशी मजेशीर कमेंट केली. गिलच्या या उत्तरामुळे रीलची चर्चा आणखी वाढली आहे. विराट आणि गिल यांच्यातील मैत्रीची झलक या विनोदी संवादातून पुन्हा एकदा पाहायला मिळाल्याचे चाहते म्हणत आहेत. अकायच्या निमित्ताने दोन्ही क्रिकेटपटूंच्या मैत्रीची ही हलकीफुलकी बाजू सोशल मीडियावर चांगलीच व्हायरल झाली आहे.
