मोठी बातमी! संजय राऊत ‘त्या’ प्रकरणी दोषी, मिळाली तुरुंगवासाची शिक्षा

On: September 26, 2024 12:39 PM

---Advertisement---

Sanjay Raut | उद्धव ठाकरे गटाचे खासदार संजय राऊत यांना अब्रुनुकसानीच्या खटल्यात दोषी ठरवण्यात आले आहे. भाजपा नेते किरीट सोमय्या यांच्या पत्नी मेधा किरीट सोमय्या यांनी त्यांच्या विरोधात याचिका दाखल केली होती. माझगाव कोर्टात ही याचिका दाखल करण्यात आली होती. या प्रकरणावर निकाल आला आहे.(Sanjay Raut )

सत्र न्यायालयाने संजय राऊत यांना दोषी ठरवत 15 दिवसांचा तुरुंगवास आणि 25 हजार रुपये दंड ठोठावला आहे. आयपीसीच्या कलम 500 अंतर्गत ही याचिका दाखल करण्यात आली होती. त्यामुळे संजय राऊत यांना हा मोठा दणका बसला आहे.

2022 सालचे हे प्रकरण असून खासदार संजय राऊत यांनी मेधा सोमय्या या मीरा भाईंदर येथील एका शौचालय घोटाळ्यात सहभागी असल्याचा आरोप केला होता. मेधा सोमय्या यांनी याविरोधात अब्रुनुकसानीचा खटला दाखल केला होता.

संजय राऊत यांना 15 दिवसांचा कारावास

याप्रकरणाची सुनावणी पूर्ण होऊन न्यायालयाने निकाल राखून ठेवला होता. आज 26 सप्टेंबररोजी या प्रकरणावर निकाल आला आहे. यामध्ये संजय राऊत यांना दोषी ठरवण्यात आले आहे. न्यायालयाने त्यांना 25 हजारांचा दंड आणि 15 दिवसांच्या कारावासाची शिक्षा सुनावली आहे. संजय राऊत यांच्यासह ठाकरे गटाला हा मोठा धक्का मानला जात आहे.

मेधा सोमय्या यांनी या प्रकरणी पहिली प्रतिक्रिया दिली आहे. “मला न्यायालयाने योग्य तो न्याय दिला आहे. मी समाजसेवा करते आणि शिक्षणही देते, या दोन्ही गोष्टींचा सन्मान न्यायालयाने केला, असे मला वाटते. मी न्यायालयाच्या निकालावर समाधानी आहे.”, असं मेधा सोमय्या यांनी म्हटलं आहे.(Sanjay Raut )

Prof Dr Medha Kirit Somaiya v/s Sanjay Raut Defamation Case

Metropolitan Magistrate Aarti Kulkarni sentenced Sanjay Raut for 15 days imprisonment. ₹25,000 fine

We will meet Media today afternoon 1pm at BJP Office Nariman Point

Kirit Somaiya @BJP4India

— Kirit Somaiya (@KiritSomaiya) September 26, 2024

नेमकं प्रकरण काय?

मेधा सोमय्या यांनी शौचालय घोटाळा केला असल्याचा आरोप संजय राऊत यांनी केला होता. या आरोपाचे पुरावे द्यावेत असं आव्हान किरीट सोमय्या यांनी संजय राऊत यांना दिलं होतं. राऊत यांनी कोणतेही पुरावे न दिल्याने त्यांच्याविरोधात मेधा सोमय्या यांनी 100 कोटींचा मानहानीचा दावा दाखल केला होता. याप्रकरणी निकाल समोर आला असून त्यात संजय राऊत (Sanjay Raut ) हे दोषी आढळले आहेत.