Eknath Shinde | संजय राऊत (Sanjay Raut) यांनी अलीकडेच जोरदार विधान करून सर्वांचे लक्ष वेधले आहे. त्यांच्या म्हणण्यानुसार, एकनाथ शिंदे (Eknath Shinde) पुन्हा मुख्यमंत्री पदावर येऊ शकणार नाहीत कारण भाजप (BJP) त्यास परवानगी देणार नाही. राऊतांनी भाजपवर गंभीर आरोप केले आणि त्याचबरोबर सुप्रीम कोर्टवरील मत व्यक्त केले.
शिंदे आणि भाजपवरील आरोप :
संजय राऊत (Sanjay Raut) म्हणाले की, एकनाथ शिंदे हे आमचे पूर्वसहकारी होते, ज्यांच्यासोबत आम्ही वर्षानुवर्ष काम केले. मात्र शिवसेना फोडण्यासाठी त्यांना मुख्यमंत्री बनवण्यात आले. त्यांनी गंभीर आरोप करत सांगितले की, सुप्रीम कोर्टातील अनेक न्यायाधिश हे भाजपाचे कार्यकर्ते असून त्या पद्धतीने काम करतात.
दरम्यान, संजय राऊतांनी डोनाल्ड ट्रंप (Donald Trump) यांच्या अमेरिकेतील सुप्रीम कोर्टावर झालेल्या टीकेचा उल्लेख करून, न्यायालयाशी संबंधित धोरणात्मक पक्षपात लक्षात आणून दिला.
Eknath Shinde | राजकीय विचारांची कमतरता :
राऊतांनी पुढे स्पष्ट केले की, विचारांची लढाई आपण विचारांनी करतो, परंतु भाजपाकडे कोणताही राजकीय, सामाजिक किंवा सांस्कृतिक विचार नाही. त्यांनी हेही सांगितले की, जिव नकोसा करून व्यक्तींना पक्ष बदलायला भाग पाडले जाते, आणि अजित पवार (Ajit Pawar), हसन मुश्रीफ (Hasan Mushrif), नवाब मलिक (Nawab Malik) यांच्याही बाबतीत असे झाले.
संजय राऊतांचे विधान पुण्यातील हणमंत पवार मारहाण प्रकरणाच्या पार्श्वभूमीवर मांडले गेले आणि त्यांनी भाजपला लोकशाहीबाबत जागरूक होण्याचे आवाहन केले.
