Rupali Thombre | स्वारगेट बस स्थानकावरील बलात्कार प्रकरणात मोठा वाद निर्माण झाला असताना, राष्ट्रवादी काँग्रेस (अजित पवार गट)च्या प्रदेश प्रवक्त्या रुपाली ठोंबरे (Rupali Thombre) यांनी या प्रकरणावर धक्कादायक वक्तव्य केले आहे. त्यांनी दावा केला आहे की, हा प्रकार बलात्कार नव्हता, तर संबंध परस्पर संमतीने झाले होते. मात्र, व्यवहाराचे पैसे दिले गेले नाहीत, त्यामुळे हा वाद उफाळून आला.
पुणे शहराला नाहक बदनामी-
रुपाली ठोंबरे (Rupali Thombre) यांनी या प्रकरणामुळे पुणे शहराला नाहक बदनाम केले जात आहे, असा आरोप केला आहे. त्यांच्या म्हणण्यानुसार, हा वाद व्यवहारातील गैरसमजातून उफाळला असून, त्याचा विपर्यास केला जात आहे. त्यामुळे पुण्याची प्रतिमा खराब करण्याचा प्रयत्न सुरू असल्याचेही त्यांनी सांगितले.
वक्तव्यावरून नव्या चर्चा सुरू-
ठोंबरेंच्या (Rupali Thombre) या वक्तव्यामुळे प्रकरणाला आता नवे वळण लागले असून, त्यांच्या या दाव्यामुळे सामाजिक आणि राजकीय वर्तुळात संताप व्यक्त होत आहे. पीडितेच्या आरोपांना दुजोरा देण्याऐवजी हा प्रकार वेगळ्या दिशेने वळवला जात असल्याची टीका अनेकांकडून केली जात आहे. दरम्यान, पोलिसांचा तपास सुरू असून, या प्रकरणात आणखी नवे खुलासे होण्याची शक्यता आहे.
स्वारगेट प्रकरणाला राजकीय रंग?
या घटनेवरून आता राजकीय आरोप-प्रत्यारोप सुरू झाले असून, या प्रकरणाचा उपयोग राजकीय हेतूंसाठी केला जातोय का? असा सवाल उपस्थित केला जात आहे. ठोंबरेंच्या वक्तव्यानंतर अनेकांनी त्यावर टीका केली असून, पीडितेला न्याय मिळणे अधिक महत्त्वाचे आहे, अशी मागणी केली जात आहे.
रुपाली ठोंबरे यांच्या मते, स्वारगेट बस स्थानकातील घटना फक्त कायदेशीर चौकशीत स्पष्ट होईल, मात्र त्याचा वापर करून पुणे शहराची प्रतिमा खराब करण्याचा प्रयत्न सुरू आहे. या घटनेमुळे शहर बदनाम होत आहे, असे त्या म्हणाल्या. तसेच, या प्रकरणात काही तथ्ये फक्त पोलीस तपासातूनच स्पष्ट होतील आणि माध्यमांमध्ये चाललेल्या चर्चांवर विश्वास ठेवण्यापेक्षा कायदेशीर बाजू समजून घेणे गरजेचे असल्याचे त्यांनी सांगितले.
