Gopichand Padalkar | पुण्यातील (Pune) अहिल्यादेवी होळकर (Ahilyadevi Holkar) यांच्या जयंतीनिमित्त आयोजित ‘धनगरी नाद’ कार्यक्रमाच्या निमंत्रणावरून भाजप (BJP) आमदार गोपीचंद पडळकर (Gopichand Padalkar) आणि राष्ट्रवादी काँग्रेस (अजित पवार गट) (NCP – Ajit Pawar Group) युवक प्रदेशाध्यक्ष सूरज चव्हाण (Suraj Chavan) यांच्यात शाब्दिक युद्ध पेटले आहे. पडळकरांनी अजित पवारांना (Ajit Pawar) निमंत्रण नाकारल्यानंतर चव्हाणांनी केलेल्या टीकेला पडळकरांनी जोरदार प्रत्युत्तर दिले आहे.
सूरज चव्हाणांची टीका
या कार्यक्रमासाठी केंद्रीय गृहमंत्री अमित शाह (Amit Shah) यांना निमंत्रण दिले आहे, मात्र उपमुख्यमंत्री अजित पवारांना बोलावणार नाही, असे पडळकरांनी जाहीर केले होते. यावरून सूरज चव्हाण यांनी पडळकरांवर टीका केली. “पडळकर हा शेखचिल्ली माणूस आहे. पवारांना विरोध केल्याशिवाय त्याची किंमत शून्य आहे. स्वतःच्या चोरी-दरोडेखोरीच्या राजकीय पार्श्वभूमीमुळेच त्याने अजितदादांना बोलावण्याची हिंमत केली नसावी,” असा टोला चव्हाणांनी लगावला होता.
चव्हाण पुढे म्हणाले होते की, अजित पवारांनी अनेकदा स्पष्ट केले आहे की, पक्षात प्रवेश देताना किंवा कार्यक्रमाला जाताना व्यक्तीची सामाजिक प्रतिमा आणि राजकीय पार्श्वभूमी स्वच्छ असावी. पडळकरांची पार्श्वभूमी तशी नसल्यानेच त्यांनी अजित पवारांना टाळले असावे, असे चव्हाण म्हणाले होते.
पडळकरांचं जशास तसं उत्तर
सूरज चव्हाण यांच्या टीकेला उत्तर देताना पडळकर संतापले. “या बिनडोक लोकांना माहीत नाही, मी २२ व्या वर्षांपासून सफारी गाडीतून फिरतो, तेव्हा तुम्हाला नीट चड्डीही घालता येत नव्हती,” अशा शब्दात त्यांनी पलटवार केला. “मला दरोडेखोर म्हणतात, पण माझ्यावर खोट्या केसेस टाकण्याचे पाप राष्ट्रवादीचेच आहे,” असा आरोप करत त्यांनी एका जुन्या प्रकरणाचा दाखला दिला, ज्यात लग्नात नसतानाही भांडणाची केस टाकल्याचे सांगितले.
“मी धनगराचा मुलगा आहे, मला चोऱ्या-माऱ्या करायची गरज नाही. मी प्रस्थापित व्यवस्थेविरोधात बोलतो तेव्हा माझ्यावर प्रशासन वापरले जाते,” असे पडळकर म्हणाले. कार्यक्रमाला कोणाला बोलवायचे हा आमचा आणि समाजाचा प्रश्न आहे, आम्ही त्यावर बोलत नाही, असे म्हणत त्यांनी चव्हाण यांना सुनावले.
Title : Padalkar Hits Back at Chavan in Row Over Ajit Pawar Invite Snub
