Dinesh Kumar | पाकिस्तान आणि पाकव्याप्त काश्मीरमध्ये भारतीय सैन्याच्या ‘ऑपरेशन सिंदूर’मुळे (Operation Sindoor) पाकिस्तान पुरता बिथरला आहे. पाकिस्तानी सैन्याकडून वारंवार शस्त्रसंधीचे उल्लंघन केले जात असून, यात अनेक निष्पाप नागरिकांसह आपले जवानही शहीद झाले आहेत.

७ मे रोजी जम्मूतील पूंछ (Poonch) येथे पाकिस्तानने केलेल्या भ्याड गोळीबारात हरियाणातील (Haryana) पलवलचे (Palwal) जवान दिनेश कुमार शर्मा (Dinesh Kumar Sharma) शहीद झाले. त्यांच्या शहादतची बातमी गावात पोहोचताच शोककळा पसरली असून, कुटुंबातील सदस्य आणि शेजाऱ्यांवर दुःखाचा डोंगर कोसळला आहे.

“माझा मुलगा शहीद झाला”

शहीद जवान दिनेश कुमार शर्मा यांचे वडील दया चंद (Daya Chand) यांनी एका वृत्तवाहिनीला माहिती देताना सांगितले की, “माझा मुलगा शहीद झाला आहे. त्याचा लहान भाऊसुद्धा सैन्यातच कार्यरत आहे. जर ते दोघेही देशासाठी शहीद झाले, तर मी स्वतः देशासाठी बलिदान देईन. मी लोकांना आवाहन करेन की त्यांनी आपल्या मुलांना सैन्यात पाठवावे. मला याचा खूप अभिमान आहे.”

“मी रात्रभर त्यांच्या फोनची वाट पाहिली”

शहीद दिनेश कुमार यांच्या पत्नी सीमा (Seema) यांनी आपल्या भावना व्यक्त करताना सांगितले की, “मी काल रात्री त्यांच्याशी बोलले होते. त्यांनी मला रात्री १२ वाजता फोन करण्याचे वचन दिले होते. मी रात्रभर त्यांच्या फोनची वाट पाहिली, पण त्यांचा फोन आलाच नाही. मी त्यांची आतुरतेने वाट पाहत राहिली,” असे म्हणत सीमा यांना अश्रू अनावर झाले.

२२ एप्रिल रोजी पहलगाम (Pahalgam) येथे झालेल्या भीषण दहशतवादी हल्ल्यात शुभम नावाचा जवान शहीद झाला होता. या हल्ल्याने संपूर्ण देश हादरला होता. या हल्ल्याला भारताने ‘ऑपरेशन सिंदूर’च्या माध्यमातून सडेतोड प्रत्युत्तर दिले असून, भारतीय लष्कराने दहशतवाद्यांचे अनेक तळ उद्ध्वस्त केले आहेत. यावर प्रतिक्रिया देताना शहीद शुभमची पत्नी ऐशानी म्हणाली, “‘ऑपरेशन सिंदूर’ हे आमच्यासारख्या वीर पत्नींच्या अश्रूंचे उत्तर आहे, ज्यांनी शुभमसारख्या आपल्या पतींना दहशतवादी हल्ल्यात गमावले आहे. आमचे कुंकू आता केवळ एक निशाणी नसून, ते शौर्य आणि देशभक्तीचा दृढ संकल्प बनले आहे.”

Title : “I Waited for His Call All Night, But…”; Shaheed Dinesh Kumar’s Wife Weeps Inconsolably