E-Crop Survey | महाराष्ट्रात (Maharashtra) गेल्या काही दिवसांपासून मुसळधार पाऊस (Heavy Rainfall) आणि ढगफुटीमुळे शेतकरी हवालदिल झाले आहेत. पिके वाहून जाणे, जमिनीची धूप होणे आणि शेतं तळीमय होणे यामुळे खरीप हंगाम 2025 धोक्यात आला आहे. या पार्श्वभूमीवर सुरू असलेल्या ई-पीक पाहणी प्रक्रियेत सर्व्हर (server) सतत डाऊन झाल्यामुळे शेतकऱ्यांना मोठा त्रास सहन करावा लागत होता.

यादरम्यान, राज्य सरकारने नोंदणीची मुदत वाढवून 30 सप्टेंबर (September) पर्यंत केली आहे. म्हणजेच आता फक्त 2 दिवस उरले आहेत. जर तुम्ही अजूनही नोंदणी केली नसेल, तर खालील पद्धतीने झटपट नोंदणी करता येईल.

ई-पीक पाहणी कशी करावी ?

अॅप (App) डाउनलोड (Download) करा: गुगल प्ले स्टोअर (Google Play store) वरून E-Pik Pahani DCS 4.0.0 डाउनलोड करा.
लॉगिन: आधार क्रमांक आणि लिंक केलेला मोबाईल नंबर टाकून लॉगिन (Login) करा.
माहिती भरा: शेताचे क्षेत्रफळ, पेरणीची तारीख, बांधावरील झाडांची संख्या व प्रकार, पडीक किंवा चालू पडीत क्षेत्राची माहिती भरा.
फोटो अपलोड: शेताच्या सीमेजवळून 50 मीटरच्या आत दोन स्पष्ट फोटो (Photo) काढून अॅपवर अपलोड (Upload) करणे अनिवार्य आहे.
दुरुस्तीचा पर्याय: माहिती अपलोड करताना काही चूक झाली तरी 48 तासांच्या आत दुरुस्ती करता येते.

नवे फीचर्स आणि तांत्रिक सुविधा :-
जीपीएस लोकेशन (Location) ट्रॅकिंग
50 मीटर फोटो व्हेरिफिकेशन (Verification)
ऑफलाइन मोड – नेटवर्क नसतानाही माहिती भरून ठेवता येते आणि नंतर इंटरनेट (Internet) मिळाल्यावर अपलोड करता येते.

मोबाईल अॅप वापरण्यात अडचण येणाऱ्या शेतकऱ्यांसाठी प्रत्येक गावात सहाय्यक नेमले जातील. हे सहाय्यक प्रत्यक्ष मार्गदर्शन करतील – अॅप कसं डाउनलोड करायचं, माहिती कशी भरायची, फोटो कसे काढायचे आणि अपलोड कसे करायचे, हे शिकवतील.

मुदतवाढीचा फायदा

पावसामुळे शेतकऱ्यांचे नुकसान झाले असतानाच ई-पीक पाहणी प्रक्रियेत तांत्रिक अडचणींमुळे त्रास दुप्पट झाला होता, मात्र सरकारने दिलेल्या मुदतवाढीमुळे आता शेतकऱ्यांना दिलासा मिळाला आहे. प्रशासनाचे आवाहन आहे की, सर्व शेतकऱ्यांनी 30 सप्टेंबरपर्यंत नोंदणी पूर्ण करून आपली माहिती अचूकपणे भरण्याचे काम नक्की करावे.

नोंदणीची मुदत वाढल्यामुळे शेतकऱ्यांना आपली खरीप पिकांची नोंद व्यवस्थित आणि अचूकपणे करण्याची संधी मिळाली आहे. योग्य नोंदणी झाल्यास पुढील काळात पीकविमा, अनुदान आणि सरकारी योजना यांचा लाभ सहज मिळेल.

News Title :- Only 2 Days Left for E-Crop Survey! How to Quickly Register via Mobile ?