ऑक्टोबरमध्ये तब्बल ‘एवढ्या’ दिवस बॅंका राहणार बंद!

On: September 25, 2024 11:52 AM

---Advertisement---

Oct Bank Holiday 2024 l सप्टेंबर महिना संपत आला आहे आणि लवकरच ऑक्टोबर महिना सुरू होणार आहे. ऑक्टोबर 2024 मध्ये सणांमुळे अनेक दिवस बँकांना सुट्ट्या असणार आहेत. यामध्ये शारदीय नवरात्रीपासून दसरा आणि दिवाळीपर्यंतच्या सुट्ट्यांचा समावेश आहे. तुम्हालाही ऑक्टोबरमध्ये बँकांशी संबंधित काही महत्त्वाचे काम असेल तर येथील सुट्ट्यांची यादी पाहूनच घराबाहेर पडा. अन्यथा तुम्हाला नंतर समस्यांना सामोरे जावे लागेल.

ऑक्टोबरमध्ये 15 दिवस बँकांना सुट्टी असणार :

बँक ही एक आवश्यक वित्तीय संस्था आहे. बँक बंद पडल्यामुळे अशी अनेक कामे रखडली आहेत. अशा परिस्थितीत ग्राहकांच्या सोयीसाठी रिझर्व्ह बँक महिना सुरू होण्यापूर्वीच बँकांच्या सुट्ट्यांची यादी प्रसिद्ध करते. RBI च्या म्हणण्यानुसार, ऑक्टोबरमध्ये बँकांना 31 दिवसांपैकी 15 दिवस सुट्टी असणार आहे.

मात्र यामध्ये शनिवार आणि रविवारच्या सुट्यांव्यतिरिक्त विविध सणांच्या सुट्ट्यांचाही समावेश आहे. जम्मू-काश्मीरमधील विधानसभा निवडणुकांमुळे ऑक्टोबरमध्ये बँक एक दिवस बंद राहणार आहे. त्याचबरोबर गांधी जयंती, दुर्गापूजा, दसरा, लक्ष्मीपूजा, काटीबिहू आणि दिवाळीनिमित्त वेगवेगळ्या दिवशी बँकांना सुट्ट्या असतील.

Oct Bank Holiday 2024 l ऑक्टोबर 2024 मध्ये बँकेला सुट्ट्या कधी असतील? :

ऑक्टोबरमध्ये सणासुदीच्या हंगामामुळे देशातील अनेक राज्यांतील बँकांना वेगवेगळ्या सणांच्या दिवशी सुट्या असतात, मात्र त्यानंतरही तुमचे कोणतेही महत्त्वाचे काम थांबणार नाही. बँकेच्या सुट्टीतही एका खात्यातून दुसऱ्या खात्यात पैसे ट्रान्सफर करण्यासाठी तुम्ही UPI, नेट बँकिंग किंवा मोबाइल बँकिंग वापरू शकता. तसेच पैसे काढण्यासाठी एटीएमचा वापर केला जाऊ शकतो.

याशिवाय ग्राहक UPI द्वारे इतरही बँकेची काम करू शकतात. तसेच ग्राहक RBI च्या अधिकृत वेबसाईटवर जाऊन सुट्ट्यांची यादी तपासू शकता.