मुंबईकरांसाठी आनंदाची बातमी! लांब पल्ल्याचा प्रवास होणार कमी वेळेत

Mumbai | मुंबईतील वाहतूक कोंडी कमी करण्यासाठी आणि प्रवासाचा वेळ वाचवण्यासाठी राज्य सरकारने अनेक महत्त्वाचे प्रकल्प हाती घेतले आहेत. यातीलच एक महत्त्वाचा प्रकल्प म्हणजे मरीन ड्राइव्ह (Marine Drive) ते पालघर (Palghar) दरम्यानच्या प्रस्तावित सागरी सेतू प्रकल्पाचे काम लवकरच मार्गी लागणार आहे. केंद्र सरकारच्या मान्यतेनंतर आणि परदेशी वित्तीय संस्थांकडून कर्ज उपलब्ध झाल्यानंतर हा प्रकल्प वेगाने पूर्णत्वास जाईल. यामुळे उत्तन-विरार सागरी सेतूचाही लवकरच विस्तार होईल, ज्यामुळे नरिमन पॉईंट (Nariman Point) ते पालघर असा लांब पल्ल्याचा प्रवास अत्यंत कमी वेळेत पूर्ण करणे शक्य होईल.

मरीन ड्राइव्ह ते पालघर सागरी सेतू प्रकल्प

सध्या मुंबई महानगर प्रदेशातून प्रवास करताना मोठ्या वाहतूक कोंडीला सामोरे जावे लागते, ज्यामुळे प्रवासाचा वेळ मोठ्या प्रमाणात वाढतो. या प्रकल्पाच्या माध्यमातून ही समस्या दूर होऊन नागरिकांचे जीवनमान सुधारण्यास मदत होईल. मुंबईच्या वाढत्या विस्ताराला आणि येथील लोकसंख्येला लक्षात घेता, अशा पायाभूत सुविधा प्रकल्पांची नितांत आवश्यकता आहे. या प्रकल्पाच्या माध्यमातून वाहतूक व्यवस्थेत मोठी सुधारणा अपेक्षित आहे.

पालिकेने उभारलेल्या मरीन ड्राईव्ह ते वरळी कोस्टल रोडचे वाहतुकीसाठी खुले झाले आहे. आता वरळी सी लिंकचा विस्तार होणार आहे, ज्यामुळे उत्तर मुंबईकडे जाणाऱ्या प्रवाशांना मोठा दिलासा मिळेल. संबंधित एमएमआरडीएसीकडूनही लवकरच सागरी सेतूचे काम सुरू होणार आहे. या प्रकल्पांमुळे वरळी कोस्टल रोड उत्तर मुंबईपर्यंत जोडला जाईल. या प्रकल्पांच्या कामासाठी आवश्यक जमीन संपादनाचे कामही वेगाने सुरू आहे.

हजारो रोजगारनिर्मितीची संधी

या प्रकल्पामुळे दक्षिण मुंबईतून थेट विरार-पालघरपर्यंत पोहोचणे शक्य होईल. यामुळे मुंबई, ठाणे आणि पालघर जिल्ह्यातील नागरिकांना मोठा फायदा होईल. व्यावसायिक आणि नोकरदार व्यक्तींना यामुळे वेळेची बचत होणार असून, पर्यटनासाठीही हा मार्ग महत्त्वाचा ठरेल. तसेच, यामुळे प्रादेशिक विकासालाही चालना मिळेल.

उत्तन-विरार सागरी सेतू प्रकल्प हा एकूण ५५.१२ किलोमीटर लांबीचा असेल. यात सागरी सेतूची लांबी २४.३५ किमी, विरार कनेक्टरची लांबी १८.८९ किमी आणि उत्तन कनेक्टरची लांबी ७.३२ किमी इतकी असेल. या संपूर्ण प्रकल्पाचा अंदाजित खर्च २७,८५० कोटी रुपये इतका आहे. या प्रकल्पासाठी परदेशी वित्तीय संस्थांकडून कर्ज घेण्यात येणार असून, त्यासाठीचा प्रस्ताव राज्य सरकारकडे पाठविण्यात आला आहे. या प्रकल्पाच्या माध्यमातून मोठ्या प्रमाणात रोजगार निर्मिती होईल आणि स्थानिक अर्थव्यवस्थेलाही चालना मिळेल.

Title: Mumbai to Palghar Travel to Become Faster: Utan-Virar Sea Link and Coastal Road Extension Nearing Completion