राज्य सरकारने ठरवून दिलेल्या वेळेनंतर कोणत्याही पबमध्ये किंवा हॉटेलमध्ये मद्यविक्री करण्यास मनाई आहे. मात्र, या नियमांचा बोजवारा उडवत बंडगार्डन येथील ‘टॉयरूम’ पबमध्ये पहाटे तीन वाजेपर्यंत मद्यविक्री सुरू होती. या संदर्भात महाराष्ट्र नवनिर्माण विद्यार्थी सेनेने (MNS) उत्पादन शुल्क विभागाकडे तक्रार दाखल केली होती. तक्रारीची गांभीर्याने दखल घेत विभागाच्या पथकाने तत्काळ छापा टाकला आणि नियमभंग उघडकीस आला.

उत्पादन शुल्क विभागाचे पुण्याचे अधीक्षक अतुल कानडे यांनी सांगितले की, “या पबमध्ये ठरवलेल्या वेळेनंतरही मद्यविक्री सुरू असल्याचे आढळले. त्यामुळे संबंधित पबला ‘कारणे दाखवा’ नोटीस पाठवण्यात आली असून, त्यावर आलेल्या उत्तरानंतर पुढील कारवाई करण्यात येईल.” या कारवाईमुळे शहरातील इतर पब-मालकांमध्येही खळबळ उडाली आहे.