MHADA l “सामान्यांच्या गृहस्वप्नपूर्तीसाठी राज्य सरकार कटिबद्ध असून, येत्या दोन वर्षांत म्हाडाच्या (MHADA) माध्यमातून सुमारे एक लाख घरांच्या (1 Lakh Homes) उभारणीचे प्रयत्न केले जात आहेत. या उद्दिष्टपूर्तीसाठी राज्याचे गृहनिर्माण धोरण (Housing Policy) लवकरच जाहीर करण्यात येणार आहे,” अशी माहिती उपमुख्यमंत्री (Deputy Chief Minister) तथा गृहनिर्माण मंत्री एकनाथ शिंदे (Eknath Shinde) यांनी दिली.
दीड वर्षांत 30 हजार घरे उपलब्ध करून दिली :
“म्हाडाने गेल्या दीड वर्षात 13 सोडतींच्या (Draws) माध्यमातून सुमारे 30 हजार घरे उपलब्ध करून दिली आहेत, ही कौतुकास्पद बाब आहे,” असे सांगत शिंदे यांनी, “रखडलेले गृहनिर्माण प्रकल्प (Housing Projects) मार्गी लागावेत व झोपडपट्टी पुनर्विकास (Slum Redevelopment) व्हावा यासाठी सरकार सर्वतोपरी प्रयत्न करीत आहे. या माध्यमातूनही मोठ्या प्रमाणात गृहसाठा उपलब्ध होणार आहे,” असे पुढे नमूद केले.
पुणे गृहनिर्माण व क्षेत्रविकास मंडळातर्फे (म्हाडा) पुणे (Pune), पिंपरी-चिंचवड (Pimpri-Chinchwad) व पीएमआरडीएसह (PMRDA) सोलापूर (Solapur) जिल्ह्यातील विविध गृहनिर्माण योजनेतील 3 हजार 662 सदनिकांच्या (3662 Flats) विक्रीकरिता संगणकीय सोडत (Computerized Draw) शिंदे यांच्या हस्ते काढण्यात आली. यावेळी उपमुख्यमंत्री तथा पालकमंत्री अजित पवार (Ajit Pawar), गृहनिर्माण राज्यमंत्री डॉ. पंकज उपस्थित होते.
शिंदे म्हणाले, “या गृहनिर्माण धोरणानुसार सामान्य नागरिक, काम करणाऱ्या महिला, विद्यार्थी, ज्येष्ठ नागरिक यांच्यासाठी ठिकठिकाणी वसतिगृह (Hostels) उभारले जाणार आहेत. म्हाडाच्या 3662 सदनिकांसाठी 71 हजार 642 अर्ज आले असून यातून म्हाडावरील विश्वास दिसून येतो. हा विश्वास सार्थ ठरवण्यासाठी घरांच्या निर्मितीवर भर दिला जाईल.”
मुंबई (Mumbai), पुणे, ठाणे (Thane) या शहरांमध्ये समूह पुनर्विकास योजनेद्वारे (Cluster Redevelopment Scheme) योजनाबद्ध गृहनिर्मिती करण्यासाठी प्रयत्न केले जात असल्याचे त्यांनी सांगितले. पुण्यात समूह पुनर्विकास योजना राबवण्याचे सुतोवाच शिंदे यांनी यावेळी केले.
थोडक्यात, राज्य सरकार म्हाडाच्या माध्यमातून सामान्यांसाठी मोठ्या प्रमाणात घरे उपलब्ध करून देणार असून, रखडलेले प्रकल्प मार्गी लावण्यावर आणि झोपडपट्टी पुनर्विकासावर भर दिला जाणार आहे.
