MHADA Lottery l महाराष्ट्रात स्वत:च्या घरात राहण्याचे स्वप्न पाहणाऱ्यांसाठी आनंदाची बातमी आहे. अशातच म्हाडाच्या सोडतीसाठी शुक्रवारपासून (9 ऑगस्ट) अर्ज भरण्यास सुरुवात झाली आहे. महाराष्ट्र गृहनिर्माण आणि क्षेत्र विकास प्राधिकरणाने (म्हाडा) 7 ऑगस्ट रोजी म्हाडा लॉटरी 2024 अंतर्गत 2,030 परवडणारी घरे विक्रीसाठी ठेवली आहेत. या लॉटरीसाठी ऑनलाइन स्वरूपात अर्ज करायचे आहेत.
म्हाडाच्या लॉटरीत फ्लॅटची 4 श्रेणींमध्ये विभागणी:
म्हाडाच्या लॉटरीद्वारे विक्रीसाठी उपलब्ध घरांची अनेक श्रेणींमध्ये विभागणी करण्यात आली आहे. म्हाडा लॉटरी 2024 मधील एकूण 2,030 घरांपैकी मध्यम उत्पन्न गट (MIG) श्रेणीमध्ये सर्वाधिक म्हणजे 768 घरे आहेत. लॉटरीसाठी उपलब्ध घरांची दुसरी सर्वात मोठी संख्या कमी उत्पन्न गटासाठी (LIG) 627 अपार्टमेंट असणार आहे.
म्हाडाने आर्थिकदृष्ट्या दुर्बल विभाग (EWS) श्रेणीमध्ये 359 घरे असतील. तर उच्च उत्पन्न गटासाठी (HIG) घरांची किमान संख्या 359 असेल. MIG मध्ये विकली जाणारी घरे प्रामुख्याने 2 BHK कॉन्फिगरेशनमध्ये आहेत. 1 बीएचके अपार्टमेंट्स एलआयजी आणि ईडब्ल्यूएस श्रेणींमध्ये विकले जात आहेत. यासोबतच HIG श्रेणीतील सर्वात मोठे 3 BHK अपार्टमेंट विकले जात आहेत.
MHADA Lottery l वार्षिक उत्पन्नानुसार अर्ज करा :
म्हाडाच्या नियमांनुसार, ज्यांचे वार्षिक उत्पन्न 6 लाखांपर्यंत आहे व ते ईडब्ल्यूएस श्रेणीतील आहेत असे नागरिक घरासाठी अर्ज करू शकतात. तसेच 6 लाख ते 9 लाख रुपये उत्पन्न असलेले नागरिक एलआयजी श्रेणीत अर्ज करू शकतात.
ज्यांचे कौटुंबिक उत्पन्न 9 लाख ते 12 लाख रुपये आहे ते MIG श्रेणी अंतर्गत अर्ज करू शकतात आणि ज्यांचे कौटुंबिक उत्पन्न वार्षिक 12 लाखांपेक्षा जास्त आहे ते HIG श्रेणी अंतर्गत अर्ज करू शकतात. म्हाडा लॉटरी 2024 चा निकाल 13 सप्टेंबर रोजी सकाळी 11 वाजता जाहीर केला जाणार आहे.
News Title : MHADA Lottery 2024
महत्त्वाच्या बातम्या-
…म्हणून ‘या’ दिवशी अहमदनगरमधील सर्व शाळांना सुट्टी जाहीर!
सिनेविश्वात शोककळा! प्रसिद्ध मराठी अभिनेत्याने घेतला जगाचा निरोप
विनेश फोगाटला मेडल मिळणार?, अपात्रतेच्या सुनावणीत काय घडलं?
पावसाची विश्रांती; ‘या’ तारखेनंतर पाऊस पुन्हा धुमाकूळ घालणार
