MHADA | महाराष्ट्र गृहनिर्माण आणि क्षेत्र विकास प्राधिकरणाच्या (MHADA) कोकण गृहनिर्माण व क्षेत्र विकास मंडळातर्फे विविध गृहनिर्माण प्रकल्पांतील तब्बल १३३९५ घरांची विक्री सुरू झाली आहे. विशेष बाब म्हणजे, ही सर्व घरे ‘प्रथम येणाऱ्यास प्रथम प्राधान्य’ या तत्त्वावर विकली जाणार आहेत. यासाठी मंडळाने एक स्वतंत्र वेबसाइट सुरू केली आहे.

कोठे आहेत ही घरे आणि त्यांची किंमत काय?

म्हाडा कोकण मंडळाच्या या योजनेत विरारमधील (Virar) बोळींज, ठाणे (Thane) जिल्ह्यातील शिरढोण, गोठेघर, खोणी आणि भंडार्ली येथील गृहनिर्माण प्रकल्पांमधील घरांचा समावेश आहे. या घरांची किंमत १५ लाखांपासून सुरू होते. सर्वात स्वस्त घरे शिरढोण आणि कल्याण (Kalyan) परिसरात असून, त्यांची किंमत १४ लाख ९६ हजार ९३० रुपयांपासून सुरू होते. तर, विरार-बोळींज येथील घरांची किंमत २३ लाख २८ हजार ५६६ रुपयांपासून सुरू होते. इच्छुक अर्जदार bookmyhome.mhada.gov.in या वेबसाइटला भेट देऊन प्रकल्पांची आणि घरांच्या किमतींची अधिक माहिती मिळवू शकतात.

आवडीनुसार मजला आणि सदनिका निवडण्याची संधी

‘बुक माय होम’ ही वेबसाइट अर्जदारांना त्यांच्या आवडीनुसार मजला (floor) आणि सदनिका (flat) निवडण्याची सोय देते. या वेबसाइटवर कोकण मंडळाच्या विरार-बोळींज, खोणी, शिरढोण, गोठेघर आणि भंडार्ली येथील गृहनिर्माण प्रकल्पांमधील सदनिका उपलब्ध करून देण्यात आल्या आहेत. इच्छुक नागरिक https://bookmyhome.mhada.gov.in या वेबसाइटवर त्वरित अर्ज नोंदणी करू शकतात आणि आपल्या पसंतीचे घर निवडू शकतात.

अर्ज प्रक्रिया पूर्णपणे ऑनलाइन

या योजनेतील संपूर्ण अर्ज प्रक्रिया ऑनलाइन पद्धतीने होणार आहे. ऑनलाइन संगणकीय प्रणालीनुसार, अर्ज नोंदणी करताना अर्जदाराला त्याचे आधार कार्ड (Aadhar card), पॅन कार्ड (PAN card) आणि स्वयंघोषणापत्राच्या (self-declaration) स्कॅन केलेल्या प्रती अपलोड करणे अनिवार्य आहे. ही सर्व कागदपत्रे अपलोड झाल्यावर त्यांची ऑनलाइन पडताळणी केली जाईल. या पडताळणीनंतर अर्जदाराचे प्रोफाइल तयार होईल. प्रोफाइल तयार झाल्यावर, ‘प्रथम येणाऱ्यास प्रथम प्राधान्य’ योजनेतील उपलब्ध घरांची माहिती आणि सदनिका क्रमांक अर्जदाराला दिसेल. यातून अर्जदार आपल्या इच्छेनुसार घर निवडू शकतो.

Title : MHADA Book My Home: Sale of 13395 Houses; Get 1 BHK Flat from Just 15 Lakhs