Astrology | ज्योतिष गणनेनुसार आजचा दिवस अत्यंत विशेष आहे, कारण पहाटे बुध ग्रहाने शनीच्या नक्षत्रात प्रवेश करताच काही राशींच्या जीवनात अचानक सकारात्मक बदलांची प्रक्रिया सुरू झाली आहे. आर्थिक संकटे, कामातील अडथळे आणि नातेसंबंधातील तणाव कमी होण्यास हा ग्रहयोग साहाय्यकारी ठरेल, असे तज्ज्ञांचे मत आहे.
बुधाचे शनी नक्षत्रात संक्रमण आणि त्याचा प्रभाव :
ज्योतिष मतानुसार बुध हा ग्रह बुद्धिमत्ता, व्यावसायिक चातुर्य आणि निर्णयक्षमता दर्शवणारा मानला जातो. पंचांगानुसार आज 10 डिसेंबरच्या पहाटे 2:39 वाजता बुधाने अनुराधा नक्षत्रात प्रवेश केला, ज्याचा स्वामी ग्रह शनि (Saturn) आहे. हा परिवर्तनकाल 20 डिसेंबर 2025 रोजी सकाळी 6:13 वाजेपर्यंत कायम राहणार असून, या संपूर्ण काळात बुधाच्या स्थितीमुळे तीन विशिष्ट राशींना अनपेक्षित लाभ मिळण्याची चिन्हे दिसत आहेत. या नक्षत्रयोगामुळे काही व्यक्तींना आर्थिक प्रवाह सुधारताना दिसेल, अनेकांच्या करिअरमध्ये महत्त्वाच्या संधी निर्माण होतील आणि दीर्घकाळ अडकलेल्या कामांना वेग मिळेल.
तज्ज्ञांच्या मते बुधाचे हे संक्रमण गेल्या काही दिवसांपासून आर्थिक किंवा वैयक्तिक आयुष्यात अस्थिरता जाणवणाऱ्या व्यक्तींना दिलासा देणार आहे. विशेषतः व्यवसायिक क्षेत्रात कार्यरत असणाऱ्यांना नवीन करार, महत्त्वपूर्ण ग्राहक मिळण्याची शक्यता वाढेल. तर नोकरी करणाऱ्यांना वरिष्ठांकडून कौतुक, पदोन्नती किंवा जबाबदाऱ्या वाढण्याची संधी मिळू शकते. बुधाचे शनी नक्षत्रातील हे स्थान 20 डिसेंबरपर्यंत तीन राशींसाठी अत्यंत प्रभावी ठरणार आहे.
Astrology | ‘या’ तीन राशींना मिळणार भरघोस लाभ :
ज्योतिषशास्त्रानुसार, बुधाचे शनी नक्षत्रातील भ्रमण तीन राशींना पुढील दहा दिवस अत्यंत शुभ बनवणार आहे. वृश्चिक (Scorpio) राशीसाठी हा काळ आत्मविश्वास वृद्धिंगत करणारा ठरणार असून जुन्या योजनांना गती मिळेल. मंगळाच्या प्रभावाखालील या राशीला कामातील प्रगती, महत्त्वपूर्ण व्यवसायिक करार आणि प्रयत्नांचे कौतुक मिळण्याची शक्यता जास्त आहे. त्यांच्या कारकिर्दीत नवीन दिशा आणि वाढीची चिन्हे दिसून येऊ शकतात.
मकर (Capricorn) राशींसाठी बुधाचे हे संक्रमण विशेष फलदायी आहे. या काळात सर्जनशीलता वाढेल आणि करिअरमध्ये नवी दारे खुली होतील. कामाच्या ठिकाणी सहकाऱ्यांचा पाठिंबा मिळून सुरू असलेल्या प्रकल्पांना वेग येईल. समाजात नाव व प्रतिष्ठा वाढण्याचे संकेत आहेत.
तसेच कुंभ (Aquarius) राशींसाठी पुढील दहा दिवस अतिशय शुभ मानले जात असून, नोकरीतील पदोन्नती, आर्थिक लाभ आणि व्यवसायात नफा मिळण्याचे मार्ग तयार होतील. अडचणी दूर होऊन नेतृत्वगुण अधिक बळकट होतील. या ग्रहयोगामुळे सामाजिक मान-सन्मानातही वाढ अपेक्षित आहे.
