पुण्यात बड्या व्यावसायिकाच्या घरावर ईडीचा छापा; 85 कोटींची मालमत्ता जप्त

On: October 17, 2024 12:01 PM

---Advertisement---

Pune ED Raid l पुण्यात ईडीने मोठी कारवाई केली आहे. शिवाजीराव भोसले सहकारी बँक घोटाळा प्रकरणात पुणे जिल्हा परिषदेचे माजी बांधकाम सभापती मंगलदास बांदल व हनुमंत खेमदारे आणि सतीश यादव यांची मालमत्ता ईडीने जप्त केली आहे. पुण्यातील या घटनेमुळे सर्वत्र खळबळ उडाली आहे.

ईडीने केली मोठी कारवाई :

यासंदर्भात अधिक माहिती अशी की, शिवाजीराव भोसले सहकारी बँक घोटाळा प्रकरणी ईडीने मोठी कारवाई केली आहे. या प्रकरणात मंगलदास बांदल, हनुमंत खेमदारे व सतीश यादव यांची मालमत्ता ईडीने जप्त केली आहे. यावेळी ईडीने पुणे, सोलापूर आणि अहमदनगर या ठिकाणी असलेली एकूण 85 कोटी रुपयांची मालमत्ता ईडीने जप्त केली आहे.

कारण कर्ज घेऊन फसवणूक केल्याचा मोठा आरोप मंगलदास बांदल यांच्यावर आहे. तसेच याआधी देखील या गुन्ह्यात अनिल भोसले यांच्या विरोधात गुन्हा दाखल झाला होता. तसेच मंगलदास बांदल हे उपमुख्यमंत्री अजित पवार यांचे निकटवर्तीय असल्याचे मानले जात आहे. लोकसभा निवडणुकीवेळी देखील मंगलदास बांदल यांनी सुनेत्रा पवार यांचा प्रचार केला होता. अशातच आता मंगलदास बांदल यांची पुणे,सोलापूर आणि अहमदनगर जिल्ह्यात असलेली मालमत्ता ईडीने जप्त केली आहे.

Pune ED Raid l शिवाजीराव भोसले बँक गैरव्यवहार प्रकरणी गुन्हा दाखल :

या मनी लॉड्रिंग प्रकरणी मंगलदास बांदल यांच्या शिक्रापूर आणि महंमदवाडीतील निवासस्थानी देखील ईडीने 21 ऑगस्ट रोजी छापे टाकले होते. मात्र त्यावेळी बांदल यांना अटक देखील केली होती. त्यावेळी ईडीकडून बांदल यांच्या निवासस्थानातून काही महत्वाची कागदपत्रे जप्त केली होती. तसेच बांदल यांच्या बँक अकाउंटची माहिती देखील ईडीच्या अधिकाऱ्यांनी घेतली आहे.

याशिवाय मंगलदास बांदल यांच्याविरुद्ध पुणे पोलिसांनी एका प्रसिद्ध सराफ व्यावसायिकाला धमकावल्याप्रकरणी मोक्का अंतर्गत कारवाई देखील केली होती. मंगलदास बांदल यांच्याविरुद्ध शिवाजीराव भोसले बँक गैरव्यवहार प्रकरणी गुन्हा दाखल करण्यात आला होता. त्यामुळे आता मंगलदास बांदल यांच्या अडचणीत वाढ झाल्याचे दिसत आहे.