Viral Video | सध्या सोशल मीडियावर एका व्हिडीओने खळबळ उडवून दिली आहे, जो दिल्ली उच्च न्यायालयाच्या (Delhi High Court) व्हर्च्युअल सुनावणीदरम्यानचा आहे. या व्हिडिओमध्ये एक वकील कॅमेरा सुरू असल्याचे विसरून एका महिलेचे चुंबन घेताना दिसत आहे. या धक्कादायक घटनेमुळे न्यायव्यवस्थेच्या प्रतिष्ठेवर आणि ऑनलाइन सुनावणीच्या नियमावलीवर गंभीर प्रश्नचिन्ह निर्माण झाले आहे.

न्यायमूर्तींच्या प्रतीक्षेत वकिलाचा ‘रोमान्स’ कॅमेऱ्यात कैद

मीडिया रिपोर्ट्सनुसार, ही घटना दिल्ली उच्च न्यायालयाचे (Delhi High Court) व्हर्च्युअल कामकाज सुरू होण्यापूर्वी घडली, जेव्हा सर्वजण न्यायमूर्तींच्या येण्याची वाट पाहत होते. यावेळी, आपल्या खोलीतून सुनावणीत सहभागी झालेले एक वकील कदाचित आपला कॅमेरा सुरू आहे आणि आपण लाइव्ह आहोत हे विसरले असावेत.

व्हायरल झालेल्या व्हिडिओमध्ये दिसत आहे की, वकिलाच्या जवळ एक महिला उभी आहे. वकील तिचा हात धरून तिला आपल्याकडे ओढण्याचा प्रयत्न करतात. महिला थोडी घाबरलेली दिसत असतानाच, वकील तिच्या गालाचे चुंबन घेतात, त्यानंतर ती महिला तात्काळ मागे सरकते. हा संपूर्ण ‘रोमान्स’ कॅमेऱ्यात कैद झाला आणि आता तो इंटरनेटवर वेगाने पसरत आहे.

सोशल मीडियावर संतापाची लाट

हे फुटेज सोशल मीडियावर समोर येताच, नेटकऱ्यांनी तीव्र प्रतिक्रिया व्यक्त करण्यास सुरुवात केली आहे. अनेकांनी या कृत्याला ‘लज्जास्पद’ संबोधत, हे न्यायपालिकेच्या मर्यादेचे आणि ऑनलाइन सुनावणीच्या प्रोटोकॉलचे गंभीर उल्लंघन असल्याचे म्हटले आहे. या घटनेमुळे सर्वत्र संताप व्यक्त केला जात आहे.

एका युझरने उपहासात्मक टिप्पणी करत म्हटले, “हे आहे डिजिटल इंडिया, जिथे न्यायमूर्ती स्ट्रीम करतात आणि वकील मीम बनतात.” तर दुसऱ्याने लिहिले, “जेव्हा तंत्रज्ञान आणि परंपरेचा मेळ होतो आणि कॅमेरा बंद करण्याचे बटण केस हरवून बसते.” या व्हिडिओच्या सत्यतेची अद्याप पुष्टी झालेली नाही. मात्र, जर हा व्हिडिओ खरा असल्याचे सिद्ध झाले, तर संबंधित वकिलाविरुद्ध कठोर शिस्तभंगाची कारवाई केली जाऊ शकते, अशी मागणी जोर धरत आहे.

जज साहब चुम्मन स्वाद लेने में व्यस्त हैं
और न्याय फाइल के पन्नों में दम तोड़ रहा है

दिल्ली हाई कोर्ट की वर्चुअल सुनवाई में न्यायधीश का ये व्यवहार शर्मनाक है! कैमरा ऑन रहते चुम्मा चाटी करना पेशेवरता की हदें पार करता है।
अदालत की गरिमा गई तेल लेने।
क्या ये सजा के लायक नहीं?… pic.twitter.com/WcH85ZrrxW

— Justice4Men (@Justice4MenIN) October 15, 2025

News Title- Lawyer’s On-Camera Court Kiss Goes Viral