आम्ही हिंदू आहोत..’मी पुन्हा जन्म घेतला तर देवा मला मुलगा बनव’

On: August 14, 2024 4:19 PM

---Advertisement---

Lata Mangeshkar l ज्येष्ठ गायिका लता मंगेशकर या आता आपल्यात नाहीत. लता मंगेशकर यांनी संगीत विश्वात जे स्थान मिळवले ते भारतीय भूमीवर इतर कोणत्याही गायिकेने मिळवले नाही. लताजी आज या जगात नसल्या तरी आपल्या मखमली आवाजाने त्या कायम लोकांच्या हृदयात जिवंत राहतील. माझा आवाज हीच माझी ओळख आहे असं त्या कायम म्हणायच्या.

देवा माझा पुनर्जन्म होऊ नये :

लता मंगेशकर यांनी 7 दशके संगीत विश्वावर राज्य केले. त्यांनी लहानपणापासूनच हा प्रवास सुरू केला आणि आपल्या मखमली, मधुर आवाजाने प्रत्येकाच्या हृदयावर राज्य केले. संपूर्ण जगाला लता मंगेशकरांचे वेड लागले होते. पण स्वतः लता दीदींना या जगात पुन्हा जन्म घ्यायचा नव्हता. देवाने मला या जगात परत पाठवले तरी त्याने मला मुलगी म्हणून नाही तर मुलगा म्हणून परत पाठवावे असं त्या म्हणाल्या होत्या.

लता दीदींनी एक मुलाखत दिली होती, त्यांना पुन्हा जन्म घ्यायचा नाही. मुलाखतीत लताजी म्हणाल्या होत्या, ‘आम्ही हिंदू आहोत आणि आमचा पुनर्जन्मावर विश्वास आहे. जर खरोखर पुनर्जन्म असेल तर देवाने मला पुनर्जन्म मिळू नये. आणि जर त्याला (देवाला) पुनर्जन्म द्यायचा असेल तर भारतातच पुनर्जन्म द्यावा. तसेच फक्त महाराष्ट्रातच द्या. लहान घरातच द्या आणि मला मुलगी नाही तर मुलगा बनवा.

Lata Mangeshkar l लता दीदींना पुन्हा लता मंगेशकर व्हायचे नव्हते :

लतादीदींची इच्छा होती की, त्यांचा पुन्हा जन्म झाला तर त्या लता मंगेशकर म्हणून जन्माला येणार नाहीत. यामागे अनेक खोल रहस्ये दडलेली होती. लतादीदींनी खूप नाव आणि प्रसिद्धी मिळवली असली तरीही त्यांना पुन्हा लता मंगेशकर बनायचे नव्हते. त्यामागे त्यांचा खडतर संघर्ष होता.

लतादीदींनी त्यांच्या आयुष्यात खूप प्रसिद्धी आणि दु:खही पाहिले होते. या कारणास्तव त्या या जगात पुन्हा जन्म न घेण्याविषयी बोलायच्या आणि जर ती पुन्हा जन्माला आल्या तर तिला मुलगी नव्हे तर मुलगा म्हणून जन्म घ्यायला आवडेल. कारण एक महिला म्हणूनही लतादीदींनी अनेक वाईट दिवस पाहिले होते. लतादीदींनी लग्नही केले नव्हते हे विशेष.