Dawood Ibrahim | भारताच्या वॉन्टेड यादीतील सर्वात मोठं नाव असलेल्या दाऊद इब्राहिमबाबत (Dawood Ibrahim) पाकिस्तानने नवा खेळ केला आहे. पाकिस्तानने आंतरराष्ट्रीय पातळीवर मोठ्या दबावाखाली दाऊदच्या उपस्थितीची कबुली दिल्यानंतर आता त्याला कुठे तरी लपवल्याची शक्यता आहे. भारत आता त्याचा ठावठिकाणा शोधण्याच्या तयारीत आहे.
पाकिस्तानची नवी खेळी-
दाऊद इब्राहिमवर (Dawood Ibrahim) १९९३ मधील मुंबई स्फोटांसारख्या गंभीर गुन्ह्यांची साखळी आहे आणि तो भारतात ‘मोस्ट वॉन्टेड’ म्हणून ओळखला जातो. काही महिन्यांपूर्वी पाकिस्तान सरकारने युएनला (UN) सादर केलेल्या अहवालात दाऊद कराची (Karachi) मध्ये असल्याची कबुली दिली होती. मात्र आता भारत सरकारच्या एजन्सींना असे संकेत मिळाले आहेत की, पाकिस्तानने दाऊदला एका गुप्त ठिकाणी हलवलं आहे.
भारत आणि पाकिस्तानमधील संबंध आता आणखी तणावपूर्ण झाले असून भारताकडून यावर गंभीर दखल घेतली जात आहे. सरकारने दहशतवादाविरोधातल्या धोरणांत अधिक काटेकोर आणि आक्रमक भूमिका घ्यायला सुरुवात केली आहे.
दहशतवादाच्या पार्श्वभूमीवर भारताची सक्रिय भूमिका-
गुप्तचर यंत्रणांनुसार, पाकिस्तानने दहशतवादाला पाठीशी घातलं असून दाऊदसारख्या (Dawood Ibrahim) गुन्हेगाराला संरक्षण दिलं जात आहे. या पार्श्वभूमीवर भारत संयुक्त राष्ट्रसंघात पाकिस्तानच्या भूमिकेवर आक्षेप नोंदवण्याच्या तयारीत आहे.
दाऊदविरोधात भारताने यापूर्वी अनेक पुरावे सादर केले असून त्याला भारतात परत आणण्यासाठी राजनैतिक आणि कायदेशीर पातळीवर प्रयत्न सुरू आहेत. भारत आता दाऊद कुठे आहे याचा शोध घेण्यासाठी नव्या पद्धतीने माहिती संकलन करणार आहे.
भारतीय सुरक्षा यंत्रणांसाठी मोठे आव्हान-
काही दिवसांपूर्वी आलेल्या माहितीनुसार, दाऊद इब्राहिम पाकिस्तानातील कराची (Karachi) शहरात वास्तव्यास आहे. मात्र, तो सतत आपले ठिकाण बदलत असतो, ज्यामुळे त्याला शोधणे आणि पकडणे भारतीय सुरक्षा यंत्रणांसाठी एक मोठे आव्हान बनले आहे. आता राष्ट्रीय तपास संस्थेने त्याच्यावर मोठी बक्षीस रक्कम जाहीर केल्यामुळे, त्याच्या सध्याच्या ठिकाणाबद्दल ठोस माहिती मिळण्याची शक्यता वाढली आहे. भारत सरकार कोणत्याही परिस्थितीत दाऊदला पकडून भारतात आणण्यासाठी कटिबद्ध आहे आणि त्यासाठी सर्व आवश्यक पाऊले उचलत आहे.
या मोठ्या बक्षीसाच्या घोषणेनंतर, आता लोकांकडून दाऊद आणि त्याच्या साथीदारांविषयी काही महत्त्वपूर्ण माहिती समोर येते का, हे पाहणे महत्त्वाचे ठरणार आहे. जर कोणालाही या गुन्हेगारांविषयी कोणतीही माहिती असेल, तर त्यांनी ती तपास यंत्रणांना देण्याचे आवाहन करण्यात आले आहे, ज्यामुळे या आंतरराष्ट्रीय गुन्हेगाराला त्याच्या गुन्ह्यांची शिक्षा मिळू शकेल.
