Hardik Pandya and Mahieka Sharma | भारतीय क्रिकेट संघाचा स्टार अष्टपैलू खेळाडू हार्दिक पांड्या (Hardik Pandya) पुन्हा एकदा त्याच्या वैयक्तिक आयुष्यामुळे चर्चेच्या केंद्रस्थानी आला आहे. पत्नी नताशा स्टॅन्कोविकपासून (Natasa Stankovic) विभक्त झाल्याच्या चर्चांनंतर, आता त्याचे नाव एका नवीन तरुणीशी जोडले जात आहे. विमानतळावरील एका व्हायरल व्हिडिओमुळे या चर्चांना उधाण आले असून, ही तरुणी हार्दिकची नवी गर्लफ्रेंड असल्याचा अंदाज वर्तवला जात आहे.
२४ वर्षीय मॉडेल आणि अभिनेत्री
हार्दिकसोबत दिसलेली ही तरुणी म्हणजे अभिनेत्री आणि फिटनेस मॉडेल माहिका शर्मा (Mahieka Sharma). अवघ्या २४ वर्षांची माहिका ही दिल्लीची (Delhi) रहिवासी असून तिने अर्थशास्त्र आणि फायनान्स या विषयात पदवीचे शिक्षण घेतले आहे. ती एक अभिनेत्री, मॉडेल आणि फिटनेस इन्फ्लुएंसर म्हणून मनोरंजन क्षेत्रात आपली ओळख निर्माण करत आहे.
सोशल मीडियावर तिचे लाखो चाहते आहेत आणि तिच्या आत्मविश्वासाने भरलेल्या व्यक्तिमत्वामुळे ती नेहमीच चर्चेत असते. नुकत्याच व्हायरल झालेल्या व्हिडिओमध्ये हार्दिक आणि माहिका एकमेकांसोबत खूप सहज वावरताना दिसले, ज्यामुळे त्यांच्यात काहीतरी शिजत असल्याच्या चर्चांनी जोर धरला आहे.
करिअर आणि कोट्यवधींची संपत्ती
माहिकाने आतापर्यंत अनेक मोठ्या प्रोजेक्ट्समध्ये काम केले आहे. ती प्रसिद्ध रॅपर रागाच्या (Raaga) म्युझिक व्हिडिओमध्ये झळकली आहे. इतकेच नाही, तर ऑस्कर-विजेत्या ‘इंटू द डस्क’ (Into the Dusk) या माहितीपटाचाही ती एक भाग होती. तिला खरी प्रसिद्धी मिळाली ती विवेक ओबेरॉयसोबत (Vivek Oberoi) पंतप्रधान नरेंद्र मोदी (Narendra Modi) यांच्या बायोपिकमध्ये काम केल्यानंतर.
मॉडेलिंग आणि फिटनेस इंडस्ट्रीतून माहिका मोठी कमाई करते. मीडिया रिपोर्ट्सनुसार, तिची एकूण संपत्ती अंदाजे ३.२० कोटी रुपये आहे. तिच्या लक्झरी जीवनशैली आणि फॅशन सेन्समुळे ती नेहमीच चाहत्यांचे लक्ष वेधून घेते. हार्दिकसोबत सार्वजनिक ठिकाणी पहिल्यांदाच दिसल्यानंतर त्यांच्या नात्याबद्दल अनेक तर्कवितर्क लावले जात असले तरी, दोघांकडूनही अद्याप कोणतेही अधिकृत स्पष्टीकरण आलेले नाही.
