विदर्भात भाजपला मोठं खिंडार, माजी आमदार कॉँग्रेसमध्ये करणार घरवापसी?

On: September 13, 2024 2:51 PM

Former BJP MLA Gopaldas Agrawal to join Congress

---Advertisement---

BJP | आगामी विधानसभा निवडणुकीच्या पार्श्वभूमीवर राजकीय वातावरण चांगलंच तापलं आहे. मात्र, त्यापूर्वीच भाजपला धक्क्यावर धक्के बसत आहेत. काही दिवसांपूर्वीच कोल्हापूरचे भाजपचे नेते समरजित घाटगे यांनी शरद पवार गटात प्रवेश केलाय. अशात भाजपला विदर्भातून दूसरा मोठा धक्का बसला आहे. (BJP )

गोंदियामधील माजी आमदार गोपालदास अग्रवाल (Gopaldas Agrawal) हे काँग्रेसमध्ये घरवापसी करणार आहेत. त्यांनी आज माध्यमांशी संवाद साधत याची घोषणा केली. मी भाजपात असताना पक्षाने मला सोडून विनोद अग्रवाल यांना अधिक महत्व दिलं, त्यामुळे भाजप सोडण्याचा मला निर्णय घ्यावा लागला, असं गोपालदास अग्रवाल म्हणाले आहेत.

माजी आमदार काँग्रेसमध्ये घरवापसी करणार

त्यामुळे आता गोंदिया विधानसभेत काँग्रेसचे गोपालदास अग्रवाल विरुद्ध भाजपचे विनोद अग्रवाल अशी लढत होण्याची शक्यता वर्तवली जात आहे. आजच ते कॉँग्रेसमध्ये प्रवेश करणार असल्याची माहिती आहे. त्यामुळे भाजपला हा दूसरा मोठा धक्का बसला आहे. (BJP )

माजी आमदार गोपाल अग्रवाल यांनी भाजपच्या प्राथमिक सदस्यत्वाचा राजीनामा दिला होता. आज 13 सप्टेंबरला काँग्रेसमध्ये घरवापसी करणार असल्याची माहिती स्वत: गोपाल अग्रवाल यांनी दिली होती. 2019 च्या विधानसभा निवडणुकी दरम्यान ते भाजपमध्ये दाखल झाले होते. अशात ते पुन्हा घरवापसी करणार आहेत.

विदर्भात भाजपला मोठा धक्का

यापूर्वी माजी आमदार रमेश कुथे यांनी भाजपमधून शिवसेना उद्धव बाळासाहेब ठाकरे पक्षात प्रवेश केला आहे.आता गोपाल अग्रवाल यांनी देखील विधानसभा निवडणुकीपूर्वीच पक्षाला सोडचिठ्ठी दिल्याने पूर्व विदर्भात भाजपला मोठा धक्का मानला जात आहे. (BJP )