Annie Knight | ऑस्ट्रेलियातील प्रसिद्ध प्रौढ मनोरंजन क्षेत्रातील स्टार एनी नाइट (Annie Knight) हिने एका असामान्य स्पर्धेत भाग घेऊन नवा विक्रम प्रस्थापित केला आहे, मात्र त्यानंतर तिला तातडीने रुग्णालयात दाखल करावे लागले. तिने अवघ्या सहा तासांत 583 पुरुषांशी शारीरिक संबंध प्रस्थापित केले. या धक्कादायक घटनेमुळे जगभरात चर्चांना उधाण आले आहे.
६ तासांत ५८३ पुरुषांशी संबंध
या स्पर्धेनंतर एनी नाइटला तीव्र रक्तस्राव आणि असह्य वेदना होऊ लागल्या. तिचे शरीर हे सहन करू शकले नाही, असे तिने स्वतः तिच्या चाहत्यांना सांगितले. तिला तातडीने रुग्णालयात दाखल करावे लागले, जिथे तिच्यावर उपचार करण्यात आले. या घटनेमुळे तिच्या आरोग्यावर गंभीर परिणाम झाल्याचे दिसून आले आहे.
आंतरराष्ट्रीय माध्यमांच्या अहवालांनुसार, एनी नाइट गेल्या काही वर्षांपासून एंडोमेट्रियोसिस या गंभीर आजाराशी झुंज देत आहे. हा एक असा आजार आहे ज्यामध्ये गर्भाशयाच्या आतील टिश्यू शरीराच्या इतर भागांमध्ये वाढू लागतात. यामुळे प्रभावित महिलांना तीव्र ओटीपोटात दुखणे, जास्त रक्तस्राव आणि काही वेळा वंध्यत्वाची समस्या उद्भवते. एनीला हार्मोनल गोळ्या सोडल्यानंतर ही समस्या जाणवायला सुरुवात झाली होती, ज्यामुळे तिच्या आरोग्याच्या समस्या अधिक वाढल्या होत्या.
एनीने सांगितले की, 583 पुरुषांशी संबंध प्रस्थापित करण्यापूर्वीच तिला मासिक पाळी सुरू झाली होती. मात्र, आययूडीमुळे रक्तस्राव कमी होता. तरीही, काही वेळानंतर रक्तस्राव खूप तीव्र झाला आणि तिला क्रॅम्प्स (Cramps) जाणवू लागले.
शरीरावर झाला गंभीर परिणाम
डॉक्टरांना सुरुवातीला वाटले की, इतक्या लांबलचक सत्रामुळे तिच्या शरीराला अंतर्गत जखम झाली असावी. पण तपासणीनंतर असे आढळले की, तिच्या शरीरात लोह आणि प्रोजेस्टेरॉनची कमतरता होती आणि तीव्र तणावामुळे त्यांची स्थिती आणखी बिघडली होती, ज्यामुळे तिची प्रकृती चिंताजनक बनली.
अहवालांनुसार, एनीने सुरुवातीला या आव्हानासाठी फक्त 200 लोकांना आमंत्रित केले होते. मात्र, प्रत्यक्षात 583 पुरुष तिथे पोहोचले. तरीही तिने कोणालाही परत पाठवले नाही आणि सर्वांसोबत संबंध प्रस्थापित केले. मात्र, या स्पर्धेनंतर तिच्या शरीराला मोठा ताण सहन करावा लागला आणि तिला तातडीने रुग्णालयात न्यावे लागले.
Title: Shocking: Popular Model Establishes Physical Relations with 583 Men in 6 Hours, Hospitalized Due to Severe Complications
