Entertainment News | मराठी चित्रपटसृष्टीतील एक बहुआयामी व्यक्तिमत्व, ज्येष्ठ अभिनेते, निर्माते आणि दिग्दर्शक प्रकाश भेंडे (Prakash Bhende) यांचे मंगळवारी सकाळी मुंबई (Mumbai) येथे दुःखद निधन झाले. ते ८२ वर्षांचे होते. त्यांच्या निधनाने मराठी सिनेसृष्टीवर शोककळा पसरली आहे. त्यांनी अभिनय, दिग्दर्शन आणि निर्मिती अशा विविध भूमिकांमधून महत्त्वपूर्ण योगदान दिले.
चित्रपटसृष्टीतील कारकीर्द आणि योगदान-
प्रकाश भेंडे (Entertainment News) यांनी आपल्या सिनेकारकिर्दीची सुरुवात ‘नाते जोडले दोन जीवांचे’ (Naate Jadale Don Jivanche) (१९७९) या चित्रपटातील अभिनयातून केली. त्यानंतर त्यांनी ‘भालू’ (Bhalu) (१९८०), ‘चाटक चांदणी’ (Chatak Chandni) (१९८२), ‘आपण यांना पाहिलंत का?’ (Aapan Yana Pahilat Ka?) (१९९२) आणि ‘आई थोर तुझे उपकार’ (Aai Thor Tujhe Upkar) (१९९९) यांसारख्या अनेक चित्रपटांमध्ये आपल्या अभिनयाची छाप सोडली.
त्यांच्या पत्नी, प्रसिद्ध मराठी अभिनेत्री उमा भेंडे (Uma Bhende) यांच्यासोबतही त्यांनी काही चित्रपटांमध्ये काम केले. यामध्ये ‘आम्ही जातो आमुच्या गावा’ (Aamhi Jato Amuchya Gava) (१९६८), ‘अंगाई’ (Angai) (१९६८) आणि ‘भालू’ (१९८०) यांसारख्या चित्रपटांचा समावेश आहे, ज्यात त्यांचे योगदान विविध भूमिकांमध्ये राहिले.
चित्रपट क्षेत्राबाहेरील कार्य आणि आठवणी-
पत्नी उमा भेंडे यांच्या निधनानंतर, प्रकाश भेंडे (Entertainment News) यांनी त्यांच्या आठवणींना उजाळा देणारे ‘गंध फुलांचा गेला सांगून’ (Gandh Phulancha Gela Sangun) हे पुस्तक लिहिले. या पुस्तकाच्या माध्यमातून त्यांनी उमा भेंडे यांच्या सहजीवनातील आठवणी वाचकांसमोर मांडल्या.
चित्रपट क्षेत्राव्यतिरिक्त प्रकाश भेंडे हे एक कुशल चित्रकार म्हणूनही ओळखले जात होते. त्यांनी अजिंठा (Ajanta) आणि वेरूळ (Verul) येथील लेण्यांवरील आधारित चित्रांचे एक प्रदर्शन मुंबईतील प्रसिद्ध जहांगीर आर्ट गॅलरी (Jehangir Art Gallery) येथे भरवले होते. या महत्त्वपूर्ण प्रदर्शनाचे उद्घाटन तत्कालीन मुख्यमंत्री (Chief Minister) विलासराव देशमुख (Vilasrao Deshmukh) यांच्या हस्ते संपन्न झाले होते.
