Headache l डोकेदुखी (Headache) ही आता सामान्य समस्या झाली आहे. जवळपास प्रत्येकजण कधी ना कधी डोकेदुखीचा अनुभव घेतो. कधीकधी डोकेदुखी सौम्य आणि सामान्य असते, परंतु जर वेदना सतत होत असतील आणि दररोज डोके दुखत असेल, तर ते गंभीर असू शकते.
वारंवार होणारी डोकेदुखी केवळ ताणतणाव (Stress) किंवा थकवा (Tiredness) यामुळेच होते असे नाही, तर ती काही गंभीर आजारांचे लक्षण देखील असू शकते. वेळेवर उपचार न केल्यास हे आजार गंभीर स्वरूप धारण करू शकतात.
वारंवार डोकेदुखीची संभाव्य कारणे :
मायग्रेन (Migraine): मायग्रेन ही एक तीव्र डोकेदुखी आहे, जी सामान्य वेदनेपेक्षा खूप जास्त असते. यामुळे डोक्याच्या एका भागात तीव्र वेदना, मळमळ (Nausea), उलट्या (Vomiting) यांसारख्या समस्या येतात. जर तुम्हाला ही लक्षणे दिसत असतील, तर त्वरित डॉक्टरांचा सल्ला घ्या.
उच्च रक्तदाब (High Blood Pressure): उच्च रक्तदाबामुळे हृदयविकाराचा झटका (Heart Attack), स्ट्रोक (Stroke) आणि इतर गंभीर समस्या निर्माण होऊ शकतात, त्यामुळे यावर त्वरित नियंत्रण मिळवणे गरजेचे आहे.
संसर्ग (Infection): कधीकधी डोकेदुखी सायनस (Sinus) किंवा मेंदूच्या संसर्गाचे (Brain Infection) लक्षण असू शकते. अशावेळी डोक्याच्या पुढील भागात वेदना होतात आणि सर्दी, खोकला आणि ताप यांसारखी लक्षणे दिसू शकतात.
तणाव (Tension): तणावामुळे डोकेदुखी होऊ शकते. जर तुम्ही मानसिकदृष्ट्या थकलेले असाल किंवा तणावपूर्ण परिस्थितीतून जात असाल, तर डोकेदुखी वारंवार होऊ शकते. अशावेळी दुर्लक्ष करू नका.
ब्रेन ट्यूमर (Brain Tumor): ब्रेन ट्यूमर हे देखील वारंवार आणि सतत होणाऱ्या डोकेदुखीचे एक कारण असू शकते. ही एक गंभीर स्थिती आहे आणि वेळेवर उपचार न केल्यास जीवघेणी ठरू शकते. अशा परिस्थितीत ताबडतोब डॉक्टरांशी संपर्क साधा.
