Pooja Gaikwad | बीड (Beed) जिल्ह्यातील उपसरपंचाच्या आत्महत्या प्रकरणात अटकेत असलेल्या नर्तिका पूजा गायकवाड (Pooja Gaikwad) हिच्या अडचणींमध्ये वाढ झाली आहे. सोलापूर (Solapur) जिल्ह्यातील बार्शी (Barshi) येथे घडलेल्या या धक्कादायक घटनेत, सध्या तुरुंगात असलेल्या पूजाचा जामीन अर्ज न्यायालयाने नामंजूर केला आहे, ज्यामुळे तिचा तुरुंगातील मुक्काम वाढला आहे.
छळ आणि आत्महत्येमागील धक्कादायक कारण
बीड जिल्ह्यातील लुखामसला (Lukhamasla) गावचे माजी उपसरपंच गोविंद जगन्नाथ बर्गे (Govind Jagannath Barge) यांनी काही दिवसांपूर्वी बार्शी (Barshi) येथे स्वत:वर गोळी झाडून जीवन संपवले होते. नर्तिका पूजा गायकवाड (Pooja Gaikwad) हिच्या घरासमोरच कारमध्ये त्यांनी हे टोकाचे पाऊल उचलले.
या आत्महत्येमागे पूजाचा मोठा हात असल्याचा आरोप आहे. बर्गे यांनी आत्महत्या करण्यापूर्वी पूजावर गंभीर आरोप केले होते. तिने सुरुवातीला प्रेमाच्या जाळ्यात ओढले आणि नंतर अत्याचाराचा खोटा गुन्हा दाखल करण्याची धमकी दिली. इतकेच नाही, तर तिने बर्गे यांचा बंगला आणि पाच एकर जमीन स्वतःच्या नावावर करण्यासाठी सातत्याने मानसिक दबाव आणला होता. याच छळवणुकीला कंटाळून गोविंद बर्गे यांनी आत्महत्या केल्याचे समोर आले आहे.
Pooja Gaikwad | जामीन अर्ज फेटाळला, न्यायालयाचे कठोर निरीक्षण
या प्रकरणात अटकेत असलेल्या पूजा गायकवाडने जामिनासाठी अर्ज केला होता, मात्र तो फेटाळण्यात आला. जिल्हा सरकारी वकील डॉ. प्रदीपसिंग राजपूत (Dr. Pradipsingh Rajput) यांनी न्यायालयात आरोपीच्या जामिनाला जोरदार विरोध केला. त्यांनी अत्यंत महत्त्वाचा मुद्दा मांडला की, “जर अशा गुन्ह्यातील आरोपीला जामीन दिला, तर समाजात अत्यंत चुकीचा संदेश प्रसारित होईल.”
डॉ. राजपूत यांनी पुढे असा युक्तिवाद केला की, जामीन मंजूर केल्यास अशा महिलांकडून इतर पुरुषांची आर्थिक, मानसिक आणि शारीरिक छळवणूक होण्याच्या घटना वाढू शकतात. सरकारी वकिलांचा हा युक्तिवाद आणि गुन्ह्याचे स्वरूप लक्षात घेऊन न्यायालयाने पूजा गायकवाडचा जामीन अर्ज नामंजूर केला. पूजा गायकवाडतर्फे अॅड. आर. डी. तारके (Adv. R. D. Tarke) यांनी बाजू मांडली.
