IAS Pooja Khedkar Controversy | वादग्रस्त आणि निलंबित प्रशिक्षणार्थी आयएएस (IAS) अधिकारी पूजा खेडकर यांना मोठा धक्का बसला आहे. त्यांच्या आई मनोरमा खेडकर (Manorama Khedkar Arrest) यांना पोलिसांनी ताब्यात घेतले आहे. ही कारवाई ट्रक क्लिनर अपहरण प्रकरणाशी संबंधित आहे.
ट्रक ड्रायव्हरचे केले अपहरण :
सामाजिक कार्यकर्ते विजय कुंभार यांनी ट्वीट (Tweet) करत या घटनेची माहिती दिली होती. त्यांनी आपल्या पोस्टमध्ये ‘वादग्रस्त आणि निलंबित प्रशिक्षणार्थी आयएएस (IAS) अधिकारी पूजा खेडकर (Pooja Khedkar) हिच्या आईचा आणखी एक प्रताप पुढे आला आहे.
दिनांक 13 सप्टेंबर 2025 रोजी सायंकाळी सात वाजताच्या सुमारास मुलुंड ते ऐरोली रोडवरील ऐरोली हद्दीतील सिग्नलवर प्रल्हाद कुमार वय 22, राहणार तुर्भे एमआयडीसी (MIDC) नवी मुंबई हा आपला मिक्सर ट्रक घेऊन जात असताना कार क्रमांक एम एच 12आर टी 5000 (MH12 RT 5000) या कारला मिक्सरचा धक्का लागल्याने कार मधील दोघांनी त्याला जबरदस्ती ने आपल्या कारमध्ये नेऊन त्याचे अपहरण केले असं कुंभार यांनी म्हटले होते. (Manorama Khedkar Arrest)
IAS Pooja Khedkar Controversy | मनोरमा खेडकर पोलीसांच्या ताब्यात :
तपास दरम्यान मनोरमा खेडकर यांनी पोलिसांशी अरेरवी केली आणि घराचा दरवाजा उघडला नाही. काही दिवसांनंतर पोलिसांनी संपूर्ण बंगल्याची चौकशी करून साडेचार तास तपासणी केली. मनोरमा खेडकर यांचे वकीलही उपस्थित होते.
तपासानंतर मनोरमा खेडकर यांना पोलिसांनी ताब्यात घेतले, आणि त्यांना अपहरण प्रकरणाच्या चौकशीसाठी सादर केले. चौकशीतून पुढे काय माहिती समोर येते आणि पूजा खेडकर यांचा सहभाग कितपत आहे, हे लक्षात घेणे महत्त्वाचे ठरणार आहे.
