Nagpur News | नागपूर शहरातील गिट्टीखदान पोलीस स्टेशनच्या (Gittikhadan Police Station) परिसरात एका अत्यंत धक्कादायक घटनेत एका तरुणाने त्याच्या मैत्रिणीची अत्यंत क्रूरपणे हत्या केली आहे.
आरोपीने अगोदरच एक लोखंडी रॉड सोबत आणला होता आणि पार्किंगमध्ये बसलेल्या त्याच्या गर्लफ्रेंडवर अचानकपणे हल्ला चढवला. हा हल्ला इतका भयानक होता की आरोपीने केवळ वीस सेकंदात तिच्यावर तब्बल पंधरा वेळा वार केले.
या हत्येची संपूर्ण घटना सीसीटीव्ही कॅमेऱ्यात रेकॉर्ड झाली असून, या घटनेचा एक भीतीदायक व्हिडिओ आता समोर आला आहे.
अचानक हल्ला आणि भीषण वार
मृत महिलेचे नाव हेमलता वैद्य (Hemlata Vaidya) असून तिचे वय ३० वर्ष होते. तर, या प्रकरणी आरोपी असलेल्या तरुणाचे नाव अक्षय दाते (Akshay Date) आहे. मिळालेल्या माहितीनुसार, अक्षय आणि हेमलता हे मागील तीन वर्षांपासून एकमेकांच्या प्रेमात होते.
संशयातून हत्याकांड
आरोपी अक्षय हा हेमलताच्या चारित्र्यावर सतत संशय घेत होता. याच संशयाच्या भावनेतून त्याने हे हत्याकांड घडवल्याची प्राथमिक माहिती समोर आली आहे. हेमलता विवाहित होती आणि काही वर्षांपूर्वी तिच्या पतीचे निधन झाले होते. त्यानंतर ती आपल्या मुलीसह नागपूर शहरात वास्तव्यास होती.
Title : Brutal Murder in Nagpur Parking Caught on CCTV
