Rawalpindi Stadium | पाकिस्तानातील रावळपिंडी (Rawalpindi) स्टेडियमजवळ एका ड्रोनने हल्ला केला आहे. हे क्रिकेट स्टेडियमच्या अगदी जवळ घडले आहे. विशेष म्हणजे, आज रात्री याच स्टेडियमवर पाकिस्तान सुपर लीग म्हणजेच पीएसएलचा (PSL) एक महत्त्वाचा सामना खेळवला जाणार होता. मात्र, रावळपिंडीमध्ये झालेल्या या अनपेक्षित ड्रोन हल्ल्यामुळे आसपासच्या संपूर्ण परिसरात भीती आणि गोंधळाचे वातावरण निर्माण झाले आहे.
रावळपिंडी ड्रोन हल्ला
आज रात्री रावळपिंडीच्या स्टेडियमवर (Rawalpindi Stadium) रात्री आठ वाजता कराची किंग्ज (Karachi Kings) आणि पेशावर जाल्मी (Peshawar Zalmi) या दोन प्रमुख संघांमध्ये एक रोमांचक सामना अपेक्षित होता. दरम्यान, पाकिस्तानमध्ये सध्या सुरू असलेल्या पीएसएल २०२५ क्रिकेट स्पर्धेदरम्यान अनेक आंतरराष्ट्रीय खेळाडू असुरक्षिततेच्या भावनेतून ही लीग सोडण्याची इच्छा व्यक्त करत असल्याच्या बातम्याही येत आहेत. या ताज्या ड्रोन हल्ल्यामुळे, आजचा नियोजित पीएसएलचा सामना रद्द होण्याची दाट शक्यता आहे. तथापि, या सामन्याच्या रद्दबातलीबाबत अद्याप कोणतीही अधिकृत माहिती समोर आलेली नाही.
भारतीय लष्कराने ‘ऑपरेशन सिंदूर’च्या (Operation Sindoor) माध्यमातून पाकिस्तानला जोरदार प्रत्युत्तर दिले आहे. भारतीय सैन्याने त्यांच्या अधिकृत एक्स (X) अकाउंटद्वारे ‘ऑपरेशन सिंदूर’च्या अभूतपूर्व यशाची माहिती दिली. या लष्करी कारवाईत अनेक पाकिस्तानी दहशतवाद्यांना कंठस्नान घालण्यात आले आहे. भारतीय सैन्याच्या या धडक कारवाईमुळे २२ एप्रिल रोजी काश्मीर (Kashmir) खोऱ्यातील पहलगाम (Pahalgam) येथे झालेल्या दहशतवादी हल्ल्याचा बदला घेण्यात आला आहे, ज्यामध्ये भारतातील २६ निष्पाप नागरिकांनी आपले प्राण गमावले होते.
पाकिस्तानमध्ये पीएसएलचे आयोजन
पाकिस्तानमध्ये पीएसएलचे सामने सुरू असतानाच, भारतात इंडियन प्रीमियर लीग म्हणजेच आयपीएल २०२५ चा (IPL 2025) उत्साह आहे. आयपीएलमध्ये आज पंजाब किंग्ज (Punjab Kings) आणि दिल्ली कॅपिटल्स (Delhi Capitals) यांच्यात एक महत्त्वपूर्ण सामना होणार आहे. हा सामना हिमाचल प्रदेशातील (Himachal Pradesh) धर्मशाला स्टेडियमवर (Dharamshala Stadium) संध्याकाळी ७:३० वाजता सुरू होईल. आजच्या सामन्यापूर्वी, प्रसिद्ध गायक बी प्राक (B Praak) यांचे विशेष सादरीकरण होणार आहे, ज्याद्वारे बीसीसीआय (BCCI) भारतीय सैन्याला आदराने सलामी देईल. दरम्यान, आयपीएलमध्ये काल (बुधवारी) ७ मे रोजी चेन्नई (Chennai) आणि कोलकाता (Kolkata) यांच्यातील सामन्यात भारतीय सैन्याच्या सन्मानार्थ राष्ट्रगीत आणि सैन्याचे विशेष गीत गायले गेले होते.
Big News: Blast Outside Rawalpindi Stadium, Impact on PSL Cricket Matches, Shocks for Pakistan!
