Bihar Election | बिहार विधानसभा निवडणुकीच्या रणधुमाळीला आता सुरुवात झाली असून, भारतीय जनता पक्षाने (BJP) आपली पहिली उमेदवार यादी जाहीर करत आघाडी घेतली आहे. राज्यातील राजकीय वातावरण तापले असतानाच भाजपने आपल्या ७१ उमेदवारांच्या नावांची घोषणा केली आहे. यात अनेक दिग्गज नेत्यांना संधी देण्यात आली असून, एनडीएच्या (NDA) जागावाटपाचे सूत्रही आधीच निश्चित झाले आहे.
भाजपची पहिली यादी जाहीर
बिहारच्या (Bihar) राजकीय आखाड्यासाठी भाजपने (BJP) आपली पहिली यादी मंगळवारी प्रसिद्ध केली. यामध्ये एकूण ७१ उमेदवारांचा समावेश असून, उपमुख्यमंत्री सम्राट चौधरी (Samrat Choudhary) यांना तारापूर (Tarapur) मतदारसंघातून उमेदवारी देण्यात आली आहे. या यादीमुळे राज्यातील निवडणुकीच्या समीकरणांना आता वेग आला आहे. लवकरच इतर पक्षांकडूनही उमेदवार याद्या जाहीर होण्याची शक्यता आहे.
बिहार विधानसभेच्या एकूण २४३ जागांसाठी होणाऱ्या या निवडणुकीत भाजपप्रणित एनडीएने (NDA) जागावाटपाचा फॉर्म्युला अंतिम केला आहे. यानुसार, भाजप आणि नितीश कुमार (Nitish Kumar) यांचा जनता दल युनायटेड (JDU) हे प्रमुख पक्ष प्रत्येकी १०१ जागांवर निवडणूक लढवणार आहेत. तर, चिराग पासवान (Chirag Paswan) यांच्या लोक जनशक्ती पक्षाला (रामविलास) (LJP-Ram Vilas) २९ जागा देण्यात आल्या आहेत. याशिवाय, जीतन राम मांझी (Jitan Ram Manjhi) यांच्या हिंदुस्तानी अवाम मोर्चाला (HAM) आणि उपेंद्र कुशवाह यांच्या राष्ट्रीय लोक मोर्चाला (RLM) प्रत्येकी ६ जागा सोडण्यात आल्या आहेत.
दोन टप्प्यात मतदान, १४ नोव्हेंबरला निकाल
निवडणूक आयोगाने जाहीर केल्यानुसार, बिहार विधानसभेची निवडणूक (Bihar Election 2025) दोन टप्प्यांत पार पडणार आहे. पहिल्या टप्प्यातील मतदान ६ नोव्हेंबर रोजी, तर दुसऱ्या टप्प्यातील मतदान ११ नोव्हेंबर रोजी होईल. मतमोजणी १४ नोव्हेंबर रोजी होणार असून, त्याच दिवशी राज्याचा कौल स्पष्ट होईल. राज्यात एकूण ७ कोटी ४२ लाख मतदार असून, यात ३ कोटी ९२ लाख पुरुष आणि ३ कोटी ५० लाख महिला मतदारांचा समावेश आहे. विशेष म्हणजे, यंदा १४ लाख मतदार पहिल्यांदाच आपल्या मतदानाचा हक्क बजावणार आहेत. निवडणूक आयोगाने प्रत्येक मतदान केंद्रावर १,२०० मतदारांची सोय केली आहे.
भारतीय जनता पार्टी की केंद्रीय चुनाव समिति द्वारा बिहार विधानसभा चुनाव-2025 के लिए चयनित सभी प्रत्याशियों को हार्दिक बधाई एवं विजयश्री की अग्रिम शुभकामनाएं।#आएगी_NDA pic.twitter.com/vENiqKpx1w
— BJP Bihar (@BJP4Bihar) October 14, 2025
