Anayaa Bangar | माजी क्रिकेटपटू संजय बांगर (Sanjay Bangar) यांची मुलगी, अनाया बांगर (Anayaa Bangar), जिने गेल्या वर्षी लिंगबदल शस्त्रक्रिया (Gender Reassignment Surgery) केली, तिने नुकत्याच एका मुलाखतीत ट्रान्सजेंडर (Transgender) महिला आणि मासिक पाळी (Menstruation) या विषयावर स्पष्टीकरण दिले आहे. आर्यन (Aaryan) पासून अनाया बनलेल्या तिने याबद्दलची वैद्यकीय वस्तुस्थिती मांडली.
लिंगबदल आणि शारीरिक प्रक्रिया
‘द लल्लनटॉप’ (The Lallantop) सोबत बोलताना अनायाला विचारण्यात आले की, लिंगबदलानंतर तिला महिलांप्रमाणे मासिक पाळी येते का? मासिक पाळी हा स्त्रीच्या आयुष्याचा एक नैसर्गिक भाग मानला जातो, ज्या दरम्यान दर २८ दिवसांनी विशिष्ट शारीरिक बदल आणि प्रक्रिया घडतात.
या प्रश्नावर अनायाने स्पष्ट उत्तर दिले. तिने सांगितले की, लिंगबदल शस्त्रक्रिया किंवा हार्मोन रिप्लेसमेंट थेरपी (Hormone Replacement Therapy – HRT) द्वारे स्त्री बनलेल्या व्यक्तींमध्ये नैसर्गिकरित्या मासिक पाळीची प्रक्रिया होऊ शकत नाही.
Anayaa Bangar | वैद्यकीय कारण
अनायाने यामागील वैद्यकीय कारण स्पष्ट केले. ती म्हणाली, “ट्रान्समहिलांना मासिक पाळी येत नाही, कारण त्यांच्या शरीरात अंडाशय (Ovaries) आणि गर्भाशय (Uterus) नसतात.” हे अवयव स्त्रीच्या प्रजनन प्रणालीचा आणि मासिक पाळीच्या चक्राचा अविभाज्य भाग आहेत.
तिने पुढे सांगितले की, “सध्या अशी कोणतीही शस्त्रक्रिया उपलब्ध नाही, ज्यामुळे (ट्रान्समहिला) गर्भवती राहू शकेल किंवा तिला मासिक पाळी येऊ शकेल.” केवळ हार्मोन थेरपीमुळे शरीरात होणारे बदल टिकून राहतात, परंतु प्रजनन किंवा मासिक पाळीशी संबंधित नैसर्गिक प्रक्रिया सुरू होत नाहीत, असे तिने स्पष्ट केले.
