‘या’ कर्मचाऱ्यांनाही मिळणार आठवा वेतन आयोग, केंद्र सरकारचा मोठा निर्णय

On: January 17, 2025 9:40 AM

---Advertisement---

8th Pay Commission l केंद्रीय कर्मचारी (Central Government Employees) आणि निवृत्तीवेतन धारकांसाठी (Pensioners) आनंदाची बातमी आहे. केंद्र सरकारने (Central Government) आठव्या वेतन आयोगाच्या (8th Pay Commission) स्थापनेला गुरुवारी मंजुरी दिली आहे. यामुळे, संरक्षण क्षेत्रातील कर्मचाऱ्यांसह केंद्र सरकारचे कर्मचारी आणि निवृत्तीवेतन धारकांच्या वेतन आणि भत्त्यांमध्ये मोठी वाढ होणार आहे.

माहिती आणि प्रसारण मंत्री अश्विनी वैष्णव (Ashwini Vaishnaw) यांनी या निर्णयाची घोषणा केली. ते म्हणाले, “पंतप्रधान नरेंद्र मोदी (PM Narendra Modi) यांनी केंद्रीय कर्मचाऱ्यांसाठी आठव्या वेतन आयोगाच्या स्थापनेला मंजुरी दिली आहे. आयोगाचे अध्यक्ष आणि दोन सदस्यांची नियुक्ती लवकरच केली जाईल.” उल्लेखनीय म्हणजे, २०१४ मध्ये सातव्या वेतन आयोगाची स्थापना करण्यात आली होती आणि १ जानेवारी २०१६ पासून त्याची अंमलबजावणी सुरू झाली होती.

47 लाख कर्मचाऱ्यांना आणि 65 लाख निवृत्तीवेतन धारकांना लाभ :

या निर्णयाचा फायदा केंद्र सरकारच्या जवळपास 47 लाख कर्मचाऱ्यांना आणि 65 लाख निवृत्तीवेतन धारकांना होणार आहे.

8th Pay Commission l दिल्लीच्या कर्मचाऱ्यांनाही मिळणार लाभ :

सरकारी सूत्रांनी दिलेल्या माहितीनुसार, आठव्या वेतन आयोगाचा लाभ दिल्लीतील (Delhi) 4 लाख कर्मचाऱ्यांनाही होणार आहे. यामध्ये संरक्षण क्षेत्रासह दिल्ली सरकारच्या कर्मचाऱ्यांचा समावेश आहे. विशेष म्हणजे, दिल्ली सरकारच्या कर्मचाऱ्यांच्या वेतनात साधारणतः केंद्रीय वेतन आयोगाच्या शिफारशींनुसारच वाढ होते.

अर्थव्यवस्थेला (Economy) चालना मिळण्याची शक्यता :

नव्या वेतन आयोगामुळे सरकारी कर्मचाऱ्यांच्या राहणीमानात सुधारणा होईल. तसेच वस्तूंचा वापर वाढल्याने अर्थव्यवस्थेला चालना मिळेल, असा अंदाज तज्ज्ञांनी व्यक्त केला आहे.